ەلىمىزدەگى ەڭبەك زاڭدىلىعىنا بايلانىستى كورەيانىڭ «كسس Engineering&ConstructionCoLtd» اق فيليالىن تەكسەرۋ كەزىندە كوپتەگەن كەمشىلىكتەر بەلگىلى بولدى.
اتالعان فيرما «قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتى» مەملەكەتتىك كاسىپورىنى (تاپسىرىس بەرۋشى) مەن جوعارىدا اتى اتالعان اق-تىڭ قۇرىلىس جۇمىستارىنا بايلانىستى ينۆەستيتسيالىق باعدارلاماسى فيليالىمەن اراداعى كەلىسىمشارت بويىنشا جۇمىس ىستەۋدە. جۇمىس ۋچاسكەسى – «باتىس قىتاي–باتىس ەۋروپا» حالىقارالىق ترانزيتتىك ءدالىزىنىڭ تاراز قالاسىن اينالىپ وتەتىن 483-تەن 536 شاقىرىمىنداعى الماتى–قورداي–بلاگوۆەششەنكا-مەركى-تەرمەز باعىتىن الىپ جاتىر. البەتتە, جۇمىس اۋقىمى ءۇلكەن. جول ساپاسىنا دا وكپە جوق. بىراق...
ەلىمىزدەگى ەڭبەك زاڭدىلىعىنا بايلانىستى كورەيانىڭ «كسس Engineering&ConstructionCoLtd» اق فيليالىن تەكسەرۋ كەزىندە كوپتەگەن كەمشىلىكتەر بەلگىلى بولدى.
اتالعان فيرما «قازاقستان رەسپۋبليكاسىنىڭ كولىك جانە كوممۋنيكاتسيا مينيسترلىگىنىڭ اۆتوموبيل جولدارى كوميتەتى» مەملەكەتتىك كاسىپورىنى (تاپسىرىس بەرۋشى) مەن جوعارىدا اتى اتالعان اق-تىڭ قۇرىلىس جۇمىستارىنا بايلانىستى ينۆەستيتسيالىق باعدارلاماسى فيليالىمەن اراداعى كەلىسىمشارت بويىنشا جۇمىس ىستەۋدە. جۇمىس ۋچاسكەسى – «باتىس قىتاي–باتىس ەۋروپا» حالىقارالىق ترانزيتتىك ءدالىزىنىڭ تاراز قالاسىن اينالىپ وتەتىن 483-تەن 536 شاقىرىمىنداعى الماتى–قورداي–بلاگوۆەششەنكا-مەركى-تەرمەز باعىتىن الىپ جاتىر. البەتتە, جۇمىس اۋقىمى ءۇلكەن. جول ساپاسىنا دا وكپە جوق. بىراق...
«كسس»-ءتىڭ فيليالىن تەكسەرە كەلگەندە كورەيلىكتەردىڭ دە «قولدان كەلسە قونىشتان باسۋعا» بەيىل ەكەنى انىقتالدى. مىسالى, ۇستىمىزدەگى جىلدىڭ 11 قىركۇيەگىندەگى №0081569 رۇقسات قاعازدا كورەي ەلىنىڭ ازاماتى دجون دجونگ ەبتىڭ لاۋازىمى «اسپاپتار بويىنشا ينجەنەر» (ينجەنەر پو ينسترۋمەنتۋ) دەپ كورسەتىلگەنىنە قاراماستان ونىڭ «سلەسار» بولىپ جۇمىس ىستەپ ءجۇرگەنى اشكەرە بولدى. بۇل بەر جاعى. ارعى جاعى ءتىپتى «قىزىق».
«باتپان قۇيرىق, ايدالادا ول نەعىلعان جاتقان قۇيرىق؟» دەمەكشى, قازاقستاندىق جۇمىسشىلار مەن شەتەلدىك جۇمىسشىلاردىڭ ايلىق جالاقىلارىنىڭ اراسىندا دا اسپان مەن جەردەي ايىرماشىلىقتار بار ەكەن. مىسالى, قازاقستان ازاماتتارى: جابدىقتاۋشى ا.تاستانبەكوۆ, وفيس-مەنەدجەرى ا.جىلقىباەۆا, فەلدشەر ل.سافاروۆا اي سايىن 50 مىڭ, ال تاۋ جۇمىستارى ءبولىمىنىڭ باستىعى س.كوشىمبەتوۆ 165 مىڭ تەڭگە كولەمىندە جالاقى السا, كورەي ازاماتتارى: تەحنيكالىق ءبولىمنىڭ باستىعى لي تحە ەنگ – 856 000, تاعى ءبىر تەحنيكالىق ءبولىمنىڭ باستىعى تسوي كەنگ سيك – 619 000, كۇردەلى قۇرىلىس ءبولىمىنىڭ باستىعى چو دونگ چون – 998 000, تاعى ءبىر كۇردەلى قۇرىلىس ءبولىمىنىڭ باستىعى يانگ سىنگ سونگ – 842 000, ساپا جونىندەگى ينجەنەر يانگ سىنگ مو – 643 000, تاعى ءبىر ساپا جونىندەگى ينجەنەر كيم سونگۋك – 741 000 جانە تاعى ءبىر ساپا جونىندەگى ينجەنەر لي چانگ حۋن – 608 000 تەڭگە جالاقى الىپ وتىرعان. كورىپ وتىرعانىمىزداي, قازاقستاندىق جۇمىسشىلارعا قاراعاندا كورەيادان كەلگەن جۇمىسشىلاردىڭ اي سايىن الاتىن جالاقىلارىنىڭ كولەمى 10 ەسە كوپ.
ايتايىن دەگەنىمىز, «كسس Engineering&ConstructionCoLtd» اق فيليالى باسشىلىعىنىڭ بۇل الاقولدىلىعى – فيرما قىزمەتكەرلەرىنىڭ ەڭبەكاقى جونىندەگى زاڭدى قۇقىن ورەسكەل بۇزىپ وتىرعانىن كورسەتەدى. ەندەشە, قالاي «ماسساعان, بەزگەلدەك!» دەمەسسىڭ.
كوسەمالى ساتتىباي ۇلى,
«ەگەمەن قازاقستان».
جامبىل وبلىسى.
_______________________________
سۋرەتتى cالعان ايداربەك عازيز ۇلى.
