ەۋروپا ساحناسىن ەكىنىڭ ءبىرى ەڭسەرە بەرمەيدى. قازاق انشىلەرىنىڭ ىشىندە مۇنداي شىڭدى باعىندىرعان جاندار نەكەن-ساياق. جاقىندا قازاقستاننىڭ حالىق ءارتىسى نۇرجامال ۇسەنباەۆا كوركەمونەر جانە مادەني قىزمەت سالاسىنداعى جوعارى ناگرادانىڭ ءبىرى – ەۋروپالىق ونەر وداعى تاراپىنان بەرىلەتىن «التىن ەۋروپامەن» («Golden Europea») ماراپاتتالدى. بۇل تەك ءبىر ادامنىڭ عانا باسىنداعى قۋانىشتى جاعداي ەمەس, جالپى قازاق ۇلتتىق وپەرا ونەرىنىڭ ورتاق جەتىستىگى رەتىندە باعالانۋدا.
ەۋروپا ساحناسىن ەكىنىڭ ءبىرى ەڭسەرە بەرمەيدى. قازاق انشىلەرىنىڭ ىشىندە مۇنداي شىڭدى باعىندىرعان جاندار نەكەن-ساياق. جاقىندا قازاقستاننىڭ حالىق ءارتىسى نۇرجامال ۇسەنباەۆا كوركەمونەر جانە مادەني قىزمەت سالاسىنداعى جوعارى ناگرادانىڭ ءبىرى – ەۋروپالىق ونەر وداعى تاراپىنان بەرىلەتىن «التىن ەۋروپامەن» («Golden Europea») ماراپاتتالدى. بۇل تەك ءبىر ادامنىڭ عانا باسىنداعى قۋانىشتى جاعداي ەمەس, جالپى قازاق ۇلتتىق وپەرا ونەرىنىڭ ورتاق جەتىستىگى رەتىندە باعالانۋدا.
وپەرا ءانشىسى چەحيا استاناسى – پراگادا وتكەن قايىرىمدىلىق گالا-كونتسەرتىنە قاتىسىپ, تۋعان جەرگە التىن مۇسىنشەمەن جانە ديپلوممەن ورالدى. مۇنداي ايتۋلى ماراپاتقا دۇنيە ءجۇزى بويىنشا نەبارى 20 ادام عانا يە بولعان ەكەن.
سالتاناتتى گالا-كونتسەرت پراگالىق رۋدولفينۋمدە, اۋىر دەرتكە شالدىققان بالالاردى قولداپ, ولاردىڭ زاماناۋي تەحنولوگيامەن جابدىقتالعان ەڭ ۇزدىك مەديتسينالىق مەكەمەلەردە ەمدەلۋىنە مۇمكىندىك بەرۋ ماقساتىندا قارجى جيناۋ ءۇشىن وتكەن بولاتىن.
سونداي-اق, گالا-كونتسەرتتە الەمدىك وپەرا ساحناسىنىڭ جۇلدىزى – باريتون فيليپ باندجاك (چەحيا رەسپۋبليكاسى) وڭتۇستىك چەحيالىق كامەرالىق وركەستردىڭ سۇيەمەلدەۋىمەن ونەر كورسەتتى. كلاسسيكالىق شىعارمالار پەتر حرومچاكتىڭ ديريجەرلىك ەتۋىمەن ورىندالدى.
كۇمىسكومەي ءانشى اقپارات قۇرالدارى وكىلدەرىمەن بولعان اڭگىمەدە چەحيالىق كونسەرۆاتوريا زالىنىڭ تاماشا اكۋستيكاسىنا ايرىقشا توقتالىپ ءوتتى. كەش باعدارلاماسىندا گ.دونيتسەتتيدىڭ, دج.ۆەرديدىڭ, دج.ءروسسينيدىڭ شىعارمالارى شىرقالعانىن جەتكىزدى. اسىرەسە, كورەرمەنگە ا.دۆورجاكتىڭ «سۋ پەرىسى» وپەراسىنان سۋ پەرىسىنىڭ ارياسى قاتتى ۇناعانىن بايانداي كەلىپ: «مەن بۇل شىعارماعا وتە جوعارى جاۋاپكەرشىلىكپەن دايىندالدىم, سەبەبى, چەح كورەرمەندەرىنە اريانى ولاردىڭ انا تىلىندە ءمىنسىز ورىنداۋ كۇتپەگەن سىي بولدى. ول ءۇشىن ءبىراز ۋاقىت ماتىنمەن, ەكپىنمەن تىنباي جۇمىس ىستەۋگە تۋرا كەلدى. مىنە, سونىڭ ناتيجەسى بولار, ءاندى ورىنداپ بىتكەننەن كەيىن مەنى زالداعى جۇرت ساحناعا قايتا-قايتا قول سوعىپ شاقىرۋمەن بولدى», – دەدى ن.ۇسەنباەۆا.
ال ءانشىنى تۋعان جەرگە تابانى تيىسىمەن «استانا وپەرا» تەاترىندا وتەتىن «بiرجان-سارا» وپەراسىنداعى سارانىڭ پارتياسى كۇتىپ تۇر. ول ەلىمىزدىڭ باس تەاترىنىڭ بيىك ساحناسىندا حالىقتىڭ اقىن قىزىنىڭ قايتالانباس بەينەسىن سومدايدى, ال ءانشى-كومپوزيتور, اقىن ءبىرجان سالدى رەسەيدىڭ ەڭبەك سىڭىرگەن ءارتىسى احمەت اگادي ورىندايدى.
قاراشاش توقسانباي,
«ەگەمەن قازاقستان».
