قوعام • 01 قازان، 2020

باقىتجان ساعىنتاەۆ تىكەلەي ەفيردە 129 سۇراققا جاۋاپ بەردى

34 رەت كورسەتىلدى

الماتى قالاسىنىڭ اكىمى ب.ساعىنتاەۆ وسىمەن توعىزىنشى رەت الماتى تا-نىڭ Akimat Live باعدارلاماسىنىڭ تىكەلەي ەفيرىنە قاتىسىپ، قالالىقتاردىڭ وزەكتى سۇراقتارىنا جاۋاپ بەردى، دەپ حابارلايدى Egemen.kz.

Akimat Live باعدارلاماسى سارسەنبى سايىن كەشكىسىن وتەدى. قالىپتاسقان ءداستۇر بويىنشا ب.ساعىنتاەۆ قالالىقتاردى كۆي-گە قاتىستى سانيتارلىق-ەپيدەميالىق احۋالمەن تانىستىرىپ، COVID-19 پاندەمياسىنىڭ ىقتيمال ەكىنشى تولقىنىنا قالانىڭ دايىندىعى تۋرالى ايتىپ بەردى.

دەنساۋلىق ساقتاۋ جۇيەسىنىڭ تيىمدىلىگىن ارتتىرۋ بويىنشا بىرقاتار پارمەندى شارا قابىلداندى. مۇندا جەدەل قىزمەت پەن العاشقى مەديتسينالىق-سانيتارلىق كومەكتىڭ جۇمىسىن كۇشەيتۋگە باسىمدىلىق بەرىلدى.

بۇلاردان وزگە، كوۆيدتى اۋرۋحانالاردىڭ توسەك-ورنى بىرتىندەپ ارتۋدا. كۆي-مەن كۇرەستە اشىلاتىن مەدمەكەمەلەردى ەسكەرە وتىرىپ، 7226 ورىندى ورىندى 32 ستاتسيونار دايىندالۋدا.

بۇرىن جوسپارلانعانىنداي، قازان ايىندا جالپى قۋاتتىلىعى 1 مىڭ ورىن بولاتىن جاڭا مەدمەكەمەلەر اشىلادى. مىسالى، 500 ورىندى رۆ-90 جاڭا ينفەكتسيالىق اۋرۋحانا دايىن. 300 توسەك-ورىندى ەكىنشى ءمودۋلدى ينفەكتسيالىق گوسپيتال پايدالانۋعا بەرىلەدى. بۇلاردان وزگە، جەكە ينۆەستيتسيالار ەسەبىنەن 215 ورىندى ەكى تولىققاندى كوۆيدتى كلينيكالار قۇرىلاتىن بولادى.

ب. ساعىنتاەۆ ينفەكتسيالىق اۋرۋحانالاردا جۇمىس ىستەيتىن كادرلاردى دايارلاۋ تۋرالى دا ايتتى. قالادا بارلىعى قوعامدىق دامۋ باسقارماسىنا باعىنىشتى 74 ۇيىم، 20 رەسپۋبليكالىق جانە 93 جەكە مەنشىك مەديتسينالىق مەكەمەلەر بار. بۇل ۇيىمداردا نەبارى 38 مىڭنان استام قىزمەتكەر جۇمىس ىستەيدى.

1 تامىزداعى جاعداي بويىنشا COVID-19 ەمدەۋگە دەنساۋلىق ساقتاۋ جۇيەسىنىڭ 27 ۇيىمى جۇمىلدىرىلدى، 6200 توسەك-ورىن قويىلدى. سول كەزدە ينفەكتسيالىق ستاتسيونارلاردا 4035 قىزمەتكەر جۇمىس ىستەدى.

بۇگىنگى كۇنى ەپيدەميولوگيالىق احۋالدىڭ تۇراقتانۋىنا بايلانىستى كوپسالالى كلينيكالار وزدەرىنىڭ ادەتتەگى جۇمىس رەجيمىنە كوشتى. كوروناۆيرۋس ينفەكتسياسىن ەمدەيتىن ينفەكتسيالىق كلينيكالارىندا قازىرگى كەزدە 93 ناۋقاس بار، 400-گە جۋىق دارىگەر، مەدبيكە مەن مەديتسينالىق قىزمەتكەر جۇمىس جاساۋدا.

پاندەميانىڭ جاڭا تولقىنى پايدا بولعان جاعدايدا 5،5 مىڭ مەديتسينالىق قىزمەتكەر رەزەرۆتە تۇر. مەديتسينالىق جوعارى وقۋ ورىندارىنىڭ وقىتۋشىلارى، رەزيدەنتتەرى مەن ينتەرن-دارىگەرلەر اراسىنان رەزەرۆ قۇرىلدى، ولاردىڭ سانى 450-گە جۋىق.

جاڭا كلينيكالاردى كادرلارمەن قامتاماسىز ەتۋ ءۇشىن كادرلار رەسۋرتارىن جوسپارلاۋ جانە بولجاۋ بويىنشا جۇمىستار جۇرۋدە، جاڭادان قوسىلاتىن ينفەكتسيالىق كلينيكالاردىڭ شتاتتىق كەستەسى ەسەپتەلۋدە.

مىسالى، ارنايى الەۋمەتتىك قىزمەت كورسەتۋ ورتالىعىنىڭ بازاسىندا جاڭادان اشىلعان 500 توسەكتىك ينفەكتسيالىق ستاتسيوناردىڭ جۇمىس ىستەۋى ءۇشىن شتات كەستەسىنە سايكەس 587 شتات بىرلىگى قاجەت، بۇگىنگى كۇنى ونىڭ كادرلارمەن جاراقتانۋى 70%- دى قۇرايدى. «حالىق ارەنا» بازاسىنداعى كلينيكادا 700-دەن استام مەديتسينا قىزمەتكەرى ىرىكتەلىپ الىندى.

جاڭادان ءارى جەدەل سالىنىپ جاتقان ءمودۋلدى ستاتسيونارعا 300 توسەك-ورىن، 280-گە جۋىق مەديتسينا قىزمەتكەرى قاجەت. بۇگىنگى كۇنى شتاتتىق كەستە جاسالۋدا جانە كادرلىق رەزەرۆ اراسىنان ماماندار ىرىكتەلۋدە.

بۇگىنگى كۇنى قالانىڭ مەديتسينالىق ۇيىمدارىنا رەانيماتولوگ، ينفەكتسيونيست، ەپيدەميولوگ، پۋلمونولوگ سياقتى ماماندار جەتىسپەيدى.

سونىمەن قاتار، قالا اكىمىنىڭ مالىمەتى بويىنشا مەدۇيىمداردىڭ ماتەريالدىق-تەحنيكالىق بازالارى ايتارلىقتاي كۇشەيتىلدى. ماسەلەن، 52 ۋزي اپپاراتى، 38 رەنتگەن، 269 ءوجج اپپاراتى، 5 كت، 2 مرت اپپاراتى ساتىپ الىندى. بۇلارعا قوسا، كوپسالالى مەديتسينالىق توسەكتەر، 250 توسەك جانىنداعى مونيتور، زەرتحانالىق قۇرىلعىلاردىڭ 43 بىرلىگى، 1050 وتتەگى كونتسەنتراتورى الىندى. جەدەل جاردەم قىزمەتىنىڭ اۆتوپاركى 35 اۆتوماشيناعا جاڭاردى، جىل سوڭىنا دەيىن جەدەل جاردەمنىڭ تاعى 100 كولىگى الىناتىن بولادى. ءبىرىنشى ەشەلونداعى سەگىز ستاتسيونارعا مەديتسينالىق گازدىڭ 24 مىڭ توسەك-ورىندىق ورتالىقتاندىرىلعان جۇيەسى ورناتىلۋدا. 17 ستاتسيوناردا ستوكتاردى زارارسىزداندىرۋ، ال 13-دە مەدقالدىقتاردى ۋتيليزاتسيالاۋ جۇيەلەرى سالىنۋدا.

الماتى اكىمى ب. ساعىنتاەۆ مۇمكىندىگى شەكتەۋلى قالالىقتارعا الەۋمەتتىك قولداۋ كورسەتۋ، جۇمىسپەن قامتۋداعى الەۋمەتتىك باعدارلامالاردى ىسكە اسىرۋ جانە قولجەتىمدى ورتا قۇرۋ جونىندە قويىلعان سۇراقتارعا جاۋاپ بەردى. بۇلاردان وزگە، قالا اكىمى جىلۋ ماۋسىمىنىڭ باستالۋى، قوعامدىق كولىك، ينجەنەرلىك ينفراقۇرىلىمدار مەن جولداردىڭ سالىنۋى تۋرالى قويىلعان سۇراقتارعا دا جاۋاپ بەردى.

تىكەلەي ەفيردىڭ الدىڭعى سەگىز باعدارلاماسى بارىسىندا قالا اكىمى قالالىقتاردان تۇسكەن 129 سۇراققا جاۋاپ بەردى. بۇلاردان وزگە، تەلەارنا رەداكتسياسىنا تۇسكەن 226 سۇراققا ناقتىلى جاۋاپتار بەرىلدى

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار