ۇكىمەت • 01 قازان، 2020

كوروناۆيرۋستان ساقتانۋ شارالارى كۇشەيتىلەدى

48 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا ەلىمىزدەگى ەپيدەميالىق احۋال قارالدى. دەنساۋلىق ساقتاۋ ءمينيسترى الەكسەي تسوي 30 قىركۇيەكتەگى جاعداي بويىنشا كوروناۆيرۋس جۇقتىرعان 107 908 ناۋقاس تىركەلگەنىن، 1 731 ادام قايتىس بولعانىن ايتتى. سوڭعى تاۋلىكتە COVID-19-دىڭ وڭ ناتيجەسى 75 ادامدا انىقتالدى.

ءدارى-دارمەك ءوندىرىسى دامىپ كەلەدى

وقۋ جىلىنىڭ باسىنان بەرى وقۋشى­لاردىڭ اراسىندا ۆيرۋس جۇقتىرعان 104 جاعداي، ونىڭ ىشىندە كەزەكشى سىنىپتاردا وقيتىن بالالار اراسىندا 33 وقيعا  تىركەلدى. قاشىقتان وقيتىن بالالاردىڭ اراسىندا 71 جاعداي انىقتالدى.

– وقۋ 100 % وفلاين رەجىمدە بول­عان­دا اۋىرعاندارمەن بايلانىسقا تۇسكەندەردىڭ سانى كەم دەگەندە 1500 ادامعا ءوسىپ، وقۋشىلار، مەكتەپ پەرسونا­لى جانە وتباسى مۇشەلەرى اراسىندا سىرقاتتىڭ كوپ تارالۋىنا اكەپ سوق­تىرۋى مۇمكىن ەدى، – دەدى ا.تسوي.

دەنساۋلىق ساقتاۋ مينيسترلىگى ەپي­دە­مييالىق احۋالدى ماتريتساعا سايكەس جانە 30 قىركۇيەكتەگى جاعداي بويىنشا باعالاۋدى جالعاستىرۋدا، «قىزىل» جانە «سارى» ايماقتاردا قالعان وڭىرلەر جوق، رەسپۋبليكا بويىنشا جاعداي تۇراقتى، بارلىق وڭىرلەر «جاسىل» ايماقتا. 

ءمينيستردىڭ ايتۋىنشا، الەمدە كۆي-مەن سىرقاتتانعاندار جانە سونىڭ سالدارىنان قۇربان بولعاندار كوبەيىپ بارادى. ەۋروپا مەن ازيانىڭ كەيبىر ەلدەرىندە ۆيرۋس جۇقتىرعاندار كوپ. وتكەن اپتادا ناۋقاستار سانىنىڭ ءوسۋى يتاليادا، گەر­مانيادا، بەلارۋستە بايقالدى. رەسەيدە 0،6-دان 0،7%-عا دەيىن (سوڭعى تاۋلىكتە – 8238 جاعداي)، تۇركيادا 0،6-عا دەيىن (سوڭعى تاۋلىكتە – 1 427 جاعداي) ءوستى.

– كوپتەگەن ەلدە كارانتين شارالارى قايتا ەنگىزىلەدى، كارانتيننىڭ كوروناۆيرۋس ينفەكتسياسىمەن كۇرەسۋدە جانە پروفيلاكتيكادا ءتيىمدى ەكەنى تاعى دا ايقىن كورىنىپ وتىر، – دەدى ا.تسوي. 

ۆەدومستۆو باسشىسى اتاپ وتكەندەي، قازاقستانداعى ەپيدەميالىق جاعدايدىڭ تۇراقتانعانىنا قاراماستان، حالىقتىڭ ساقتانۋ دەڭگەيى السىرەپ بارا جاتىر. ماسكا كيۋ جانە الەۋمەتتىك قاشىقتىق ءاردايىم ساقتالمايدى، بۇل سىرقاتتىڭ تارالۋىنا جانە تيىسىنشە قازاقستاندا دا كارانتين رەجىمىن قاتاڭداتۋدىڭ قاجەتتىلىگىنە الىپ كەلۋى مۇمكىن.

– رەيدتەردىڭ ناتيجەسى كارانتين رە­جىمىن السىرەتۋ ساتىنەن باستاپ كاران­تيندى بۇزۋ 30،4%-دان 40،7%-عا دەيىن ۇلعايعانىن كورسەتتى. 10 وڭىردە  كاران­تيندى بۇزۋ فاكتىلەرى كوبەيگەنى بايقا­لادى. سونداي-اق ازاماتتاردىڭ ماسكا رە­جىمىن بۇزۋى دا ازايماي وتىر. 5-27 قىر­كۇيەك ارالىعىندا اكىمشىلىك جاۋاپ­كەرشىلىككە 1131 ادام تارتىلدى، – دەدى ا.تسوي. 

مينيستر شەتەلدەردەگى جاعدايدىڭ ناشارلاعانىن ەسكەرە وتىرىپ، ينفەك­تسيانىڭ باسقا ەلدەن كەلۋى مەن تارالۋى­نىڭ الدىن الۋ ماقساتىندا 5 قازاننان باستاپ باسقا مەملەكەتتەرمەن ارادا اۋە قاتىناستارىن قالپىنا كەلتىرۋدى توقتاتا تۇرۋدى، اۋە قاتىناسى جاندانعان ەلدەرمەن اراداعى رەيستەر سانىن كوبەيتپەۋدى، تۇركياعا ۇشۋ سانىن ازايتۋدى ۇسىندى.

ەكىنشى ساناتتاعى ەلدەردەن كەلەتىن ادامدارعا تەرمومەتريا جاسالىپ، ساۋالناما الىنىپ، مەرزىمى 3 تاۋلىكتەن اسپاعان COVID-19-دان تەكسەرۋ تۋرالى انىقتاما تالاپ ەتىلۋى كەرەك. انىقتاماسى بولماعان جاعدايدا كەلۋشىلەر كارانتيندىك ستاتسيوناردا COVID-19-عا زەرتحانالىق تەكسەرۋ جۇرگىزۋ ءۇشىن 2 تاۋلىككە دەيىن وقشاۋلانادى. وسىنداي تالاپتاردى ەاەو ەلدەرىمەن جانە وزبەكستانمەن اراداعى اۆتوبەكەتتەردەن مەملەكەتتىك شەكارانى كەسىپ وتەتىن ادامدارعا قولدانۋ ۇسىنىلدى.

ءمينيستردىڭ ايتۋىنشا، ين­فەك­تسيانىڭ تارالۋىن بولدىرماۋ جانە اۋ­رۋدىڭ ىقتيمال وسۋىنە دايىندالۋ ءۇشىن بىرقاتار شارا قابىلدانادى. COVID-19 بويىنشا 14 ملرد تەڭگەگە ەكى ايلىق دارىلىك زاتتار قورى قۇرىلدى (ازايمايتىن قور)، قازىردىڭ وزىندە 100%-ى وڭىرلەرگە جونەلتىلدى.

سونداي-اق حالىقتىڭ وسال توپتارىن ۆاكتسيناتسيالاۋ ءۇشىن تۇماۋعا قارسى ۆاكتسينانىڭ 2،2 ملن دوزاسى ساتىپ الىندى، ۆاكتسيناتسيالاۋ 15 قىركۇيەكتە باستالدى، شامامەن 1 ملن ادام نەمەسە ءتيىستى حالىقتىڭ 44%-ى ەگىلدى.

– ەلدىڭ COVID-19-عا قارسى ۆاك­تسي­ناعا سۇرانىسىن قامتاماسىز ەتۋ ءۇشىن ءبىز ۆاكتسينا سالىناتىن توپتاردى ايقىن­دادىق. بۇل سوزىلمالى اۋرۋلارى بار، 60 جاستان اسقان ادامدار، مەديتسي­نا قىزمەتكەرلەرى مەن پەداگوگتەر. رەس­پۋب­ليكا بويىنشا ءتيىستى ادامداردىڭ ال­دىن الا سانى 2،8 ملن ادامدى نەمەسە بۇ­كىل حالىقتىڭ 15%-ىن قۇرايدى، – دەدى ا.تسوي.

بيىلعى قازان ايىنىڭ سوڭىنا دە­يىن 11 وبلىس ورتالىعى مەن الماتى قالا­­سىندا 3 100 توسەك-ورىندىق 13 ءمودۋل­­دى ينفەكتسيالىق اۋرۋحانانى سالۋدى اياقتاۋ، سونداي-اق ەكى نىساندى جوندەۋ جوس­پارلانۋدا. جەكە قورعانىش قۇرالدا­رىنىڭ، مەديتسينالىق تەحنيكا مەن جاب­دىق­تاردىڭ ەلىمىزدە شىعارىلۋى تۋرالى بايان­داعان يندۋستريا جانە ينفراقۇ­رىلىمدىق دامۋ ءمينيسترى بەيبىت اتام­قۇلوۆ وتاندىق كاسىپورىندار تاۋلىك سا­يىن 900 مىڭ ماسكا، 330 مىڭ جۇپ مەدي­تسينالىق قولعاپ، 504 مىڭ قورعانىش كوستيۋمىن شىعاراتىنىن ايتتى. قوي­مالاردا ولاردىڭ قاجەتتى قورى بار.

– نۇر-سۇلتان قالاسىنىڭ مەدي­تسي­نا­لىق مەكەمەلەرىنە 129 وكپەنى جاساندى تىنىستاندىرۋ ء(وجت) اپپاراتى جەتكىزىلدى. وندىرىستە جانە ستەندتىك سى­­ناق­تاردا 1 190 ءوجت اپپاراتى بار، ولار­دىڭ 181-ءى جونەلتۋگە دايىن، – دەدى ول.

زاۋىتتاردان 360 جەدەل جاردەم ما­شي­ناسى شىعارىلدى، ونىڭ 93-ءى وڭىر­لەرگە جەتكىزىلدى. بۇگىننەن باستاپ قالعان 264 كولىكتى جەتكىزۋ باستالادى. جالپى، وسى باعدارلاما اياسىندا 5 قاراشاعا دەيىن
1 167 سانيتارلىق كولىك جەتكىزىلەدى. مۇ­نىڭ سىرتىندا 12 جىلجىمالى مەدي­تسي­نالىق كەشەن دايىندالدى، ونى بۇگىننەن باستاپ وڭىرلەرگە جەتكىزۋ باستالادى.

فارماتسەۆتيكا سالاسىنداعى وتاندىق 33 كومپانيا جىلىنا 3،9 ملرد دانا تاب­لەتكا مەن كاپسۋلا كولەمىندە 922 دارى­لىك پرەپارات شىعارادى. مينيستر پاندە­ميانىڭ ەكىنشى تولقىنى كەلسە، فارما­تسەۆتيكا سالاسىنىڭ كاسىپورىندارى دارى­لىك زاتتاردىڭ قاجەتتى كولەمىمەن قام­تاماسىز ەتۋگە دايىن ەكەنىن مالىمدەدى.

ماسەلەنى قورىتىندىلاعان ۇكىمەت باس­شىسى ەلىمىزدەگى سانيتارلىق-ەپي­دەميالىق احۋال تۇراقتى ەكەنىن اتاپ ءوتتى. ينفەكتسيانىڭ رەپرودۋكتيۆتىلىك كور­سەت­كىشى 0،93-كە تەڭ، بۇل قابىلدانىپ جاتقان شارالاردىڭ تيىمدىلىگىن كورسەتەدى.

سونىمەن قاتار الەمدەگى جانە بىرقا­تار شەكارالاس ەلدەگى ىندەتتىڭ تۇراق­سىزدىعىن ەسكەرە وتىرىپ، سانيتارلىق تالاپتاردى ساقتاۋ شارالارىن كۇشەيتۋ قاجەت. پرەمەر-مينيستر مۇددەلى مەم­لەكەتتىك ورگاندار مەن وڭىرلەردىڭ اكىم­دىكتەرىنە ءتيىستى ءىس-شارالاردى 100% ورىنداۋدى، دەنساۋلىق ساقتاۋ مينيستر­لىگىنە 15 قازانعا دەيىن قاجەتتى تەحني­كانى، جابدىقتار مەن قورعانىش قۇرال­دارىن ساتىپ الىپ، وڭىرلەرگە جەتكىزۋدى تاپسىردى. ىشكى ىستەر مينيسترلىگى مەن دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ، سانيتارلىق تالاپ­تاردىڭ ساقتالۋىن باقىلاۋ جونىن­دەگى مونيتورينگتىك توپتاردىڭ جۇمى­سىن كۇشەيتۋدى، سانيتارلىق رەجىم بۇزىلۋىنا جول بەرمەۋدى تاپسىردى. قازاقستان اۋماعىنا شەتەلدەن كەلە­تىن ادامدارعا قاتىستى سانيتارلىق-كاران­تيندىك باقىلاۋدى كۇشەيتۋ شارالارى ۆەدومستۆوارالىق كوميسسيانىڭ وتىرىسىندا قارالادى.

– دەنساۋلىق ساقتاۋ مينيسترلىگى «سق-فارماتسيا» جانە اكىمدىكتەرمەن بىرلەسىپ، مەديتسينالىق ۇيىمدار مەن ءدارىحانالاردا ءدارى-دارمەكتەردىڭ بولۋىن قامتاماسىز ەتسىن. وڭىرلەردە دارىلىك پرەپاراتتاردىڭ باعاسىنا باقىلاۋ جۇرگىزۋ قاجەت، – دەدى ا.مامين.

 

قىسقا ازىرلىك قانداي؟

ۇكىمەتتىڭ سەلەكتورلىق وتىرىسىن­دا وڭىرلەردىڭ كۇزگى-قىسقى كەزەڭگە دايىن­دىعى تالقىلاندى.  جىلىتۋ ماۋسىمى­نا دايىندىق بويىنشا اتقارىلىپ جات­قان جۇمىس تۋرالى ەنەرگەتيكا ءمينيسترى ن.نوعاەۆ، يندۋستريا جانە ين­فرا­قۇرىلىمدىق دامۋ ءمينيسترى ب.اتام­قۇلوۆ، ءبىلىم جانە عىلىم ءمينيسترى ا.ايماعامبەتوۆ، دەنساۋلىق ساقتاۋ ءمينيسترى ا.تسوي، باتىس قازاقستان وبلى­سى­نىڭ اكىمى ع.يسقاليەۆ، قاراعاندى وبلىسىنىڭ اكىمى ج.قاسىمبەك، اقمولا وبلىسىنىڭ اكىمى ە.مارجىقپاەۆ، نۇر-سۇلتان قالاسىنىڭ اكىمى ا.كولگىنوۆ، سونداي-اق پرەمەر-ءمينيستردىڭ ورىنباسارى ر.سكليار باياندادى. 

وڭىرلەردە 10 662 اۆتونومدى قا­زاندىق نەمەسە بارلىق قازاندىقتاردىڭ 98،6%-ى، 46561 تۇرعىن ءۇي (97%) قىسقى ماۋسىمعا دايىن. 5 مىڭ 24 كم جىلۋ جە­لىسى (99،1%)، 14 089 كم سۋمەن جاب­دىقتاۋ جە­لىلەرى (99،1%) جوندەلدى. جىلىتۋ ماۋسى­مىنا 11 158 (99،6%) ءبىلىم بەرۋ، 5 963 (99،2%) دەنساۋلىق ساقتاۋ نىسانى دايىن. كومىر ءوندىرۋشى كومپانيالار 69 ملن توننا كومىر ءوندىردى. كوممۋنالدىق قىزمەتتەر ءۇشىن تۇتىنۋشىلاردىڭ بەرەشەگى 17 ملرد تەڭگەنى قۇرايدى. ەڭ جوعارى دەبيتورلىق بەرەشەك الماتى قالاسىندا – 4،5 ملرد تەڭگە، نۇر-سۇلتان قالاسىندا – 1،95 ملرد تەڭگە، شىمكەنت قالاسىندا – 2،5 ملرد تەڭگە جانە ماڭعىستاۋ وبلىسىندا 1،4 ملرد تەڭگە.

– كۇن رايىنىڭ قولايسىزدىعىنا بايلانىستى جىلىتۋ ماۋسىمى كوپتەگەن ايماقتا ەرتەرەك باستالىپ كەتتى. جالپى، وڭىرلەردىڭ اكىمدەرى تۇرعىن ءۇي-كوممۋنالدىق شارۋاشىلىق، ءبىلىم بەرۋ، الەۋمەتتىك سالالاردى، جىلۋ جانە ەنەرگيا وبەكتىلەرىن جىلىتۋ ماۋسىمىنا دايىنداۋ بويىنشا جاقسى جۇمىس جۇرگىزدى، – دەدى ا.مامين.

اقمولا، قاراعاندى، قوستاناي، پاۆ­لو­دار، سولتۇستىك قازاقستان وبلىستا­رى­نىڭ جانە الماتى قالاسىنىڭ اكىم­دىك­تەرى الەۋمەتتىك سالا وبەكتىلەرى مەن تۇر­عىن ۇيلەردى جىلىتۋ ماۋسىمىنا دايىنداۋ جوسپارىن 100% ورىندادى. اق­مولا، الماتى، شىعىس قازاقستان، باتىس قازاقستان، قوستاناي، پاۆلودار، سول­تۇستىك قازاقستان وبلىستارى مەن الماتى قالاسى اۆتونومدى قازاندىقتار ءۇشىن كومىر دايىنداۋ جونىندەگى جوس­پارلى كورسەتكىشتەردى اياقتادى. باتىس قازاقستان وبلىسىندا تۇرعىن ۇيلەردى دايىنداۋ كەستەسىنەن ارتتا قالۋ فاكتىلەرى بار. اقمولا، اقتوبە، قاراعاندى، سول­تۇستىك قازاقستان، پاۆلودار وبلىستارىن­دا جانە نۇر-سۇلتان قالاسىندا كوم­مۋ­نالدىق قاجەتتىلىكتەر مەن حالىق ءۇشىن وتىن دايىنداۋ دەڭگەيى جەتكىلىكسىز.

ۇكىمەت باسشىسى اكىمدەرگە بەلگى­لەنگەن مەرزىمدەردە بارلىق جوسپار­لان­عان جوندەۋ جۇمىستارىن جانە قاجەتتى كولەمدە وتىن جەتكىزۋدى اياقتاۋدى، سون­داي-اق ەنەرگيا وندىرەتىن، ەنەرگيا جەت­كىزەتىن ۇيىمدارمەن بىرلەسىپ، جىلىتۋ ماۋسىمىن جۇرگىزۋگە دايىندىق پاسپورتتارىن تەز ارادا الۋدى قامتاماسىز ەتۋدى تاپسىردى.

– بىزدە وندىرىلەتىن كومىردىڭ كولەمى جەتكىلىكتى، سوندىقتان كومىرگە قاتىستى قيىندىق تۋىنداماۋى كەرەك، – دەدى ا.مامين.

پرەمەر-مينيستر وڭىرلەردىڭ اكىم­دەرىنە ەكى اپتا مەرزىمدە بەلگىلەنگەن تارتىپپەن كومىر دايىنداۋ جانە ساتۋ پۋنكتتەرىنىڭ ينفراقۇرىلىمىنىڭ قازىرگى جاعدايىن، جەتكىزۋ كەستەسىن، باعالاردىڭ نەگىزدىلىگى مەن ساتىلاتىن كومىردىڭ ساپاسىن تەكسەرۋدى، سونداي-اق يندۋستريا جانە ينفراقۇرىلىمدىق دامۋ مينيسترلىگىنە «قازاقستان تەمىر جولى» ۇك» اق-پەن بىرلەسىپ، كومىر جەتكىزۋ ءۇشىن ۆاگونداردىڭ جەتكىلىكتى بولۋىن قامتاماسىز ەتۋدى تاپسىردى. 

– وڭىرلەردە كاسىپورىنداردىڭ جەت­كىزىلگەن گاز بەن كومىر ءۇشىن جانە تۇتى­نۋ­شىلاردىڭ كوممۋنالدىق قىزمەتتەر ءۇشىن دەبيتورلىق بەرەشەگىن وتەۋ جو­نىن­دەگى جۇمىستار كۇشەيتىلسىن، – دەدى پرە­مەر-مينيستر.

ا.مامين ەنەرگەتيكا مينيسترلىگىنە، يندۋستريا جانە ينفراقۇرىلىمدىق دامۋ مينيسترلىگىنە وڭىرلەر اكىمدىكتەرىنىڭ بارلىق وبەكتىلەردى جىلىتۋ ماۋسىمىنا دايىنداۋ جۇمىستارىن اياقتاۋىن باقىلاۋعا الىپ، مونيتورينگ جۇرگىزۋدى قامتاماسىز ەتۋدى تاپسىردى.

 

كەڭ جولاقتى ينتەرنەت تارتىلادى

ۇكىمەتتىڭ سەلەكتورلىق وتىرىسىن­دا تۇرعىنداردى كەڭ جولاقتى ينتەرنەتپەن قامتاماسىز ەتۋ ماسەلەسى قارالدى.  ات­قارىلىپ جاتقان جۇمىستار تۋرالى تسيفرلىق دامۋ، يننوۆاتسيالار جا­نە اەروعارىش ونەركاسىبى ءمينيسترى ب.مۋ­سين، «قازاقتەلەكوم» اق باسقارما تور­اع­اسى ق.ەسەكەەۆ، «ترانستەلەكوم» اق باس­قارما توراعاسى ە.ادايبەكوۆ، سونداي-اق «Beeline كازاحستان» كومپانياسىنىڭ باس اتقارۋشى ديرەكتورى ە.ناسترادين باياندادى.

وتىرىستا ايتىلعانداي، «تسيفرلى قازاقستان» مەملەكەتتىك باعدارلاماسىنا سايكەس ەلىمىزدە اۋىلدىق ەلدى مەكەندەرگە تالشىقتى-وپتيكالىق بايلانىس جە­لىلەرىن تارتۋ جانە ينتەرنەتكە ءموبيلدى قولجەتىمدىلىكتى قامتاماسىز ەتۋ بويىن­شا جوبالار ىسكە اسىرىلۋدا. قازىر 6 459 اۋىلدىق ەلدى مەكەننىڭ 4 751-ءى كەڭ جولاقتى ينتەرنەتپەن قامتاماسىز ەتىل­دى (اۋىل حالقىنىڭ 97،8%-ى). وسى جىل­دىڭ قورىتىندىسى بويىنشا 5،2 مىڭ­نان اسا اۋىلدا، ياعني ەلىمىزدەگى اۋىل حالقىنىڭ 99%-ىندا كەڭ جولاقتى ينتەرنەت قولجەتىمدى بولادى.  

– كەڭ جولاقتى ينتەرنەتپەن قام­تۋ ماسەلەسى ەلىمىزدىڭ دامۋى ءۇشىن سترا­تەگيالىق ماڭىزعا يە. اۋىلداردى ينتەرنەتكە قوسۋ جونىندەگى بيىلعى جىلعا ارنالعان بارلىق جوسپارلار مەرزىمىندە ىسكە اسىرىلادى، – دەدى ا.مامين.

ۇكىمەت باسشىسى اكىمدىكتەرگە كەڭ جولاقتى ينتەرنەتپەن قامتۋ جوبالا­رى بويىنشا جابدىقتار ورناتۋ ءۇشىن ۋچاسكەلەر ءبولۋ راسىمدەرىن جەدەل جۇرگىزۋدى، تسيفرلىق دامۋ مينيسترلىگىنە اكىمدىكتەرمەن بىرلەسىپ، حالىق سانى 250 ادامنان از اۋىلداردى ساپالى ينتەرنەتپەن قامتاماسىز ەتۋدىڭ جوسپار-كەستەسىن ازىرلەۋدى تاپسىردى. پرەمەر-مينيستر مەكتەپ وقۋشىلارى مەن ستۋدەنتتەردى قاشىقتان وقىتۋعا بايلانىستى وتە وزەك­تى بولىپ وتىرعان ينتەرنەت ساپاسىن ەداۋىر ارتتىرۋدىڭ ماڭىزدىلىعىن اتاپ ءوتتى. ول ءۇشىن تەحنيكا ساتىپ الىنۋدا، بايلانىس جانە ينتەرنەت قىزمەتتەرىنىڭ ساپاسىن باقىلاۋعا ارنالعان بارلىق رەسۋرستار بار.

– ءاربىر تۇرعىن ءۇي مەن ۇيىمدا ورنالاسقان جەرىنە قاراماستان، ساپالى ينتەرنەت پەن بايلانىس بولۋى كەرەك. سوندىقتان ناقتى تالاپتاردى بەلگىلەپ، ءتيىستى جابدىقتى ورناتۋ ماسەلەلەرىن پىسىقتاۋ قاجەت. تسيفرلىق دامۋ مينيسترلىگى يندۋستريا مينيسترلىگىمەن بىرلەسىپ، اتالعان ماسەلەلەردى شەشۋى كەرەك، –  دەدى ا. مامين.

 تسيفرلىق دامۋ مينيسترلىگىنە ءبىلىم مينيسترلىگىمەن، «اتامەكەن» ۇكپ-مەن بىرلەسىپ، نارىقتىڭ الەۋەتتى قاجەتتىلىگىن ەسكەرە وتىرىپ، IT-مامانداردى دايارلاۋ ماسەلەلەرىن پىسىقتاۋ تاپسىرىلدى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار