قوعام • 29 قىركۇيەك، 2020

قارۋلى كۇشتەردە قورىتىندى تەكسەرۋ قازان ايىنىڭ ءبىرىنشى جارتىسىندا وتەدى

8 رەت كورسەتىلدى

قورعانىس مينيسترلىگىندە اپپاراتتىق كەڭەس ءوتتى. كەڭەس بارىسىندا تاياۋ كەزەڭگە مىندەتتەر قويىلدى، دەپ حابارلايدى Egemen.kz قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

اپپاراتتىق كەڭەستە ەڭ الدىمەن، باسشىلىق قۇراممەن وتكەن «الداسپان-2020» جەدەل-تاكتيكالىق كوماندالىق-شتابتىق وقۋ-جاتتىعۋ قورىتىندىسى شىعارىلدى. اتالمىش وقۋ-جاتتىعۋدى وتكىزۋ بارىسىندا الىنعان تاجىريبەنى بەلسەندى ەنگىزۋگە نۇسقاۋ بەرىلدى. بۇل، ەڭ الدىمەن، اسكەرلەر توبىن قولدانۋ فورمالارىنا، بولىمشەلەردىڭ ءىس-قيمىل ادىستەرىنە جانە باعىنىستى كۇشتەر مەن قۇرالداردى باسقارۋداعى ورگاندار جۇمىسىنا قاتىستى بولماق.

جەكە قۇرامدى اۋىستىرۋ ءۇشىن ارنايى وپەراتسيالار بارىسىندا اسكەري-كولىك اۆياتسياسىن پايدالانۋدى جەتىلدىرۋ جولدارى بەلگىلەنگەن. قازىرگى ۋاقىتتا  تىكۇشاقتاردان عانا ەمەس، قازاقستان ارمياسىنىڭ قارۋ-جاراق قۇرامىنداعى سي-295 ۇشاقتارىنان دا پاراشيۋتپەن دەسانت تۇسىرۋگە مۇمكىندىك بەرەتىن شارالار قابىلداۋ تاپسىرىلدى.

دەسانتتىق-شابۋىلداۋ اسكەرلەرى مەن ارنايى وپەراتسيالار كۇشتەرىنىڭ قولباسشىلىعى الداعى ءىرى ءىس-شارالار جوسپارلارىن تولىق جانە ساپالى ىسكە اسىرۋ جونىندە تاپسىرما الدى. بۇل تىلەنديەۆ اۋىلىنداعى وقۋ ورتالىعىندا وتەتىن كەشەندى بىتىمگەرشىلىك وقۋ-جاتتىعۋى مەن «التىن جەبە» ارنايى وپەراتسيالار كۇشتەرىنىڭ كومپونەنتتەرىن تەكسەرۋ. ء«ىس-شارالار بارىسىندا وڭايلاتۋعا جول بەرۋگە بولمايدى، بارلىق وقۋ-جاۋىنگەرلىك مىندەتتەر تولىق كولەمدە ورىندالۋى ءتيىس»، - دەپ اتاپ ءوتتى قورعانىس ءمينيسترى گەنەرال-لەيتەنانت نۇرلان ەرمەكباەۆ.

كەڭەستە پوليگونداردا اتىس پەن وقۋ-جاتتىعۋلاردى وتكىزۋ كەزىندە اسكەري قىزمەتشىلەر مەن حالىقتىڭ قاۋىپسىزدىگىن قامتاماسىز ەتۋ بويىنشا قوسىمشا شارالاردى ەنگىزۋ جونىندە نۇسقاۋ بەرىلدى. قورشاۋ مەن باقىلاۋشىلاردى شىعارۋمەن قاتار، ۇشقىشسىز ۇشۋ اپپاراتتارىن پايدالانا وتىرىپ، وقۋ-جاتتىعۋ الاڭدارى مەن ىرگەلەس اۋماقتاردى شولۋ مەن باقىلاۋ جۇرگىزۋ، ال مالىمەتتەردى ناقتى ۋاقىتىندا اتىس پەن وقۋ-جاتتىعۋ باسشىلىعىنا شارالار قابىلداۋ ءۇشىن بەرۋ جوسپارلانۋدا.

اسكەرلەردى پاتەرلەرگە ورنالاستىرۋ باس باسقارماسىنىڭ باستىعى قورعانىس ۆەدومستۆوسى باسشىسىنىڭ جۇمىس ساپارىنىڭ ناتيجەلەرى بويىنشا قابىلدانعان شارالار جونىندە باياندادى. بارلىق گارنيزوندارداعى قازاندىقتار مەن قۇبىر جەلىلەرى قىسقا تولىق دايىن. سونىمەن قاتار، قاراشا ايىندا اياقتاۋ جوسپارلانعان عيماراتتاردى جوندەۋ جۇمىستارى جالعاسۋدا. وسىعان بايلانىستى جۇيەلى شارالار، سونىڭ ىشىندە قيىندىقتاردى بولدىرماۋ ءۇشىن نورماتيۆتىك-قۇقىقتىق شارالار ازىرلەنۋدە. اتاپ ايتقاندا، بۇل اسكەري نىسانداردا جۇمىس ىستەۋگە رۇقسات بەرۋ تارتىبىنە، مەردىگەرلەردى تاڭداۋ كەزىندەگى كونكۋرستىق راسىمدەرگە، سونداي-اق وسىنداي جۇمىستاردى ۇيىمداستىرۋ ءۇشىن بىرىڭعاي وپەراتوردى ايقىنداۋعا قاتىستى بولۋعا ءتيىس.

قارۋلى كۇشتەر باسشىلىعىنا تىل جانە قارۋ-جاراق باستىعى جەكە قۇرامنىڭ قىسقى كيىم-كەشەكپەن، ال اسكەري تەحنيكانىڭ جانار-جاعارماي ماتەريالدارىمەن تولىق قامتاماسىز ەتىلۋى تۋرالى مالىمەتتەردى ۇسىندى.

قارۋلى كۇشتەردە اسكەرلەردى قورىتىندى تەكسەرۋ مەرزىمى بەلگىلى بولدى. قورىتىندى تەكسەرۋ 5-16 قازان ارالىعىندا وتپەك. وعان جەكە قۇرامنىڭ 100% قاتىسادى. ءاربىر اسكەري قىزمەتشى نورماتيۆتەردى ورىنداۋ، سىناقتار مەن تەست تاپسىرۋ قورىتىندىلارى بويىنشا ءوزىنىڭ كاسىبيلىگى نەگىزىندە باعالانادى. بولىمشەلەردىڭ جاۋىنگەرلىك قابىلەتتىلىگى مەن ۇيلەسىمدىلىگى، كومانديرلەردىڭ جەكە قۇرامدى باسقارا ءبىلۋى ەسەپتىك كەزەڭدە وتكىزىلگەن وقۋ-جاتتىعۋلاردىڭ ناتيجەلەرى بويىنشا باعالاناتىن بولادى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار