شارا بارىسىندا ەلباسى ورتالىقتىڭ " ۇلى دالا مەتاللۋرگياسى", " ۇلى دالانىڭ اتتى ونەرىنىڭ مادەنيەتى" جانە "قازاقستان – تۇركى الەمىنىڭ بەسىگى" اتتى ەكسپوزيتسيالىق كەشەندەرىمەن تانىستى.
سونداي-اق, قازاقستاننىڭ تۇڭعىش پرەزيدەنتى "قازاق حاندىعى", " ۇلى دالانىڭ قالا مادەنيەتى", "قازاقستان - الما مەن قىزعالداقتىڭ وتانى" جانە "بولاشاق قازاقستان" اتتى تاقىرىپتىق زالداردى ارالادى.
ساپار بارىسىندا نۇرسۇلتان نازارباەۆ قالا ورتالىعىندا ورنالاسقان 120 ورىندىق جاڭا قوناق ءۇي كەشەنىمەن دە تانىستى.
اتالعان كەشەن قوناق ءۇي قىزمەتىن كورسەتۋدە جوعارى ستاندارتتاردى قاتاڭ ساقتايتىن "Rixos" حالىقارالىق قوناق ءۇي جەلىسىنىڭ بولىگى.
الەمدىك دەڭگەيدەگى قوناق ءۇي وتاندىق ينۆەستوردىڭ قاراجاتىنا سالىنىپ, قالا ءۇشىن جۇزدەن استام جۇمىس ورنىن بەردى.
