"ەلباسى نۇرسۇلتان نازارباەۆ "ازىرەت سۇلتان" تاريحي-مادەني قورىق-مۋزەيىنىڭ اۋماعىندا ورنالاسقان قوجا احمەت ياساۋي كەسەنەسىندە بولىپ, بابالار رۋحىنا تاعزىم ەتتى", دەپ جازدى ەلباسىنىڭ ءباسپاسوز حاتشىسى ايدوس ۇكىباي Twitter-دەگى پاراقشاسىندا.
ەسكە سالا كەتسەك, بۇگىن نۇرسۇلتان نازارباەۆ تۇركىستان قالاسىنا كەلدى. ەلباسى تۇركىستان قالاسىنىڭ حالىقارالىق اۋەجايىنىڭ اشىلۋ سالتاناتىنا قاتىستى.
ودان كەيىن "تۇركىستان-ارەنا" ستاديونىندا بولىپ, "كونگرەسس حولل" كوپفۋنكتسيونالدى كونتسەرت زالىنا باردى. ەلباسى Rixos Turkistan قوناقۇيى جانە تۇركىستانداعى بىرقاتار ەكسپوزيتسيالىق كەشەنمەن تانىستى.
