ەكولوگيا • 28 قىركۇيەك، 2020

"التىن ەمەل" ۇلتتىق پاركىندە ءىلبىس بەينەتۇزاققا ءتۇسىپ قالعان

100 رەت كورسەتىلدى

ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ءوزىنىڭ Twitter-دەگى پاراقشاسىندا "التىن ەمەل" مەملەكەتتىك ۇلتتىق تابيعي پاركىندە ءىلبىستى انىق كورسەتەتىن بەينەجازبانى جاريالادى، دەپ حابارلايدى Egemen.kz

"بارىستىڭ كوزگە ءتۇسۋى - ەرەكشە قۇبىلىس. ءبىز سيرەك كەزدەسەتىن جانۋارلاردى بارىنشا قورعاۋىمىز كەرەك. ەكولوگيا، گەولوگيا جانە تابيعي رەسۋرستار مينيسترلىگى بۇل ءۇشىن بىرقاتار ناقتى شارالاردى قابىلداپ، جۇزەگە اسىرماق. جاقسى جاڭالىقپەن بولىسكىم كەلىپ وتىر: "التىن ەمەل" مەملەكەتتىك ۇلتتىق تابيعي پاركىندە العاش رەت قار بارىسى كوزگە ءتۇستى . جانۋار فوتوتۇزاق وبەكتيۆىنە ىلىنگەن. ورتا ازيادا سيرەك كەزدەسەتىن سۇتقورەكتى سوڭعى رەت كوكتەمدە "سايرام وگەم" ۇلتتىق پاركىندە بايقالىپ ەدى"، دەيدى ەكولوگيا ءمينيسترى.

بۇدان بولەك، ول جويىلىپ كەتۋ الدىندا تۇرعان جانۋاردىڭ سانى الەمدە بار بولعانى 4 مىڭداي عانا ەكەنىن ەسكە سالدى.

قازاقستان اۋماعىندا 120-130 باس قار بارىسى بار. بۇۇدب قازاقستاننىڭ ەرەكشە قورعالاتىن 13 ايماعىنا 294 فوتوتۇزاق ورناتقان.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار