ايماقتار • 25 قىركۇيەك، 2020

شىمكەنتتە كارانتيندىك شەكتەۋلەر 12 قازانعا دەيىن ۇزارتىلادى

17 رەت كورسەتىلدى

شىمكەنتتىڭ باس مەملەكەتتىك سانيتار دارىگەرى ءابدىماناپ تولەباەۆتىڭ قالا اۋماعىندا كارانتين جانە شەكتەۋ شارالارىن ۇزارتۋ تۋرالى №39 قاۋلىسى جاريالاندى، دەپ حابارلايدى Egemen.kz.

اتالعان قاۋلىعا سايكەس، شىمكەنت قالاسىنىڭ اۋماعىندا 2020 جىلعى 28 قىركۇيەك كۇنى ساعات 00-00-دەن باستاپ 2020 جىلعى 12 قازان كۇنى ساعات 00-00-گە دەيىن كارانتين جانە شەكتەۋ شارالارى ۇزارتىلادى.

شىمكەنت قالاسىنىڭ تۇرعىندارى مەن قوناقتارىنا:

  • ادامداردىڭ كوپ جينالۋىنا بايلانىستى ەسكە الۋ، تۋعان كۇن، مەرەيتويلار، قۇدالىق، توي، بەتاشار سىندى كەز كەلگەن شارانىڭ وتكىزىلۋىنە تىيىم سالىنادى.
  • 65 جاستان اسقان ادامداردىڭ قالا جانە باسقا دا قوعامدىق ورىنداردا ءجۇرۋى شەكتەلەدى.
  • قالادا ءجۇرىپ-تۇرۋ كەزىندە ماسكا كيۋ بويىنشا مىندەتتى تالاپتار، ادامدار اراسىندا 2 مەتر الەۋمەتتىك قاشىقتىق ساقتالۋى ءتيىس.
  • ۇيلەردىڭ اۋلالارىندا، ساياباقتارعا، الاڭدارعا، گۇلزارلارعا، جاعالاۋلارعا بارىپ سەرۋەندەۋگە 3 ادامنان اسپايتىن توپقا جانە ءبىر وتباسى مۇشەلەرىنە رۇقسات ەتىلەدى.
  • جالپى پايدالانۋ ورىندارىندا ورنالاسقان بالالاردىڭ ويىن الاڭشالارىنا بارۋعا 3 ادامنان اسپايتىن توپقا عانا رۇقسات بەرىلەدى.
  • قوعامدىق ورىندارعا، ادامدار كوپ جينالاتىن وبەكتىلەرگە بارعاندا، سونىڭ ىشىندە قوعامدىق كولىكتەرگە كىرگەن كەزدە ماسكالاردى كيۋ جانە قوعامدىق ورىندارعا بارعاننان كەيىن انتيسەپتيكتەردى پايدالانۋ جونىندەگى تالاپتار قاتاڭ ساقتالادى.

قاۋلىنىڭ تولىق نۇسقاسىن مىنا سىلتەمگەءوتۋ ارقىلى تانىسۋعا بولادى.

سوڭعى جاڭالىقتار

ۇقساس جاڭالىقتار