قازاقستان • 24 قىركۇيەك، 2020

قىتايعا بالىق ەكسپورتتايتىن وتاندىق كاسىپورىندار ونلاين تەكسەرىستەن ءوتىپ جاتىر

8 رەت كورسەتىلدى

اۋىل شارۋاشىلىعى مينيسترلىگى قحر-عا ءونىم ەكسپورتتاۋعا قۇقىعى بار قازاقستاننىڭ ەكى بالىق كاسىپورنىنا العاشقى ونلاين رەتروسپەكتيۆتى تەكسەرۋ جۇرگىزىلگەنىن حابارلايدى، دەپ جازادى Egemen.kz.

«تورە توعام» جشس (شقو) جانە "جالعاسباەۆ" جك (تۇركىستان وبلىسى) بالىق وڭدەۋ كاسىپورىنا ونلاين-تەكسەرۋدى قحر باس كەدەن باسقارماسىنىڭ ساراپشىلارى مەن قر اشم وكىلدەرى جۇرگىزدى.

قىتاي تاراپىنا بالىق ونىمدەرىن زاۋىتتارعا جەتكىزۋدەن باستاپ تۇتىنۋشىلارعا جونەلتۋگە دەيىنگى بارلىق تەحنولوگيالىق تىزبە كورسەتىلدى. ۆيرۋستاردىڭ تارالۋىن الدىن الۋ جانە ساپاسىن باقىلاۋ بويىنشا شارالاردى ساقتاۋعا ەرەكشە نازار اۋدارىلدى.

قحر باس كەدەن باسقارماسى وكىلدەرى قازاقستاندىق كاسىپورىنداردىڭ قىتايدىڭ بالىق كاسىپورىندارىنا قويىلاتىن تالاپتارىن جانە كورونوۆيرۋس جاعدايىندا ازىق-ت ۇلىك كاسىپورىندارىنا ارنالعان ددۇ ۇسىنىمدارىن ساقتالۋىنا كوز جەتكىزدى.

1

تەكسەرۋ ناتيجەسىندە قىتايدىڭ باس كەدەن باسقارماسى قحر-عا بالىق ونىمدەرىن جەتكىزۋدى ماقۇلدادى. بۇدان باسقا، ىنتىماقتاستىقتى كەڭەيتۋ ءۇشىن باس كەدەن باسقارماسى مەن قر اشم بالىق بويىنشا ۆەتەرينارلىق حاتتاماعا قول قويۋعا كەلىستى. بۇل قۇجات قازاقستاندىق بالىق وندىرۋشىلەرگە قحر-عا بالىق ونىمدەرىنىڭ كوپ ءتۇرىن ەكسپورتتاۋعا جول اشادى.

قازىرگى ۋاقىتتا 65 قازاقستاندىق كاسىپورىن بالىق ونىمدەرىن قىتايعا ەكسپورتتاۋعا قۇقىلى.

بۇعان دەيىن حابارلانعانداي، كوروناۆيرۋس پاندەمياسى جاعدايىندا، كاسىپورىنداردىڭ شەتەلدىك ماماندارمەن كوشپەلى ينسپەكتسياسىن جۇرگىزۋ قيىن بولعان كەزدە، قر اۋىل شارۋاشىلىعى مينيسترلىگى قحر باس كەدەن باسقارماسىمەن ينسپەكتسيانى قاشىقتىقتان جۇرگىزۋدىڭ الگوريتمىن كەلىسكەن بولاتىن. العاشقى ونلاين-تەكسەرۋدەن 14 ەت وڭدەۋ كاسىپورنى ءوتتى.

سونىمەن قاتار، قىركۇيەك ايىنىڭ باسىندا قر اۋىل شارۋاشىلىعى مينيسترلىگى مەن قحر شىڭجاڭ-ۇيعىر اۆتونوميالىق اۋدانىنىڭ كەدەن باسقارماسى قازاقستاندىق اۋىل شارۋاشىلىعى ونىمدەرىنىڭ ەكسپورتىن جەڭىلدەتۋ مۇمكىندىكتەرىن قاراستىردى.

قازىرگى ۋاقىتتا قر اشم كۇشىمەن بارلىعى 576 قازاقستاندىق كاسىپورىن قحر باس كەدەندىك باسقارماسىنىڭ تىزىمىنە ەنگىزىلدى، بۇل ولارعا اوك ونىمدەرىن تۇتىنۋدىڭ زور الەۋەتىنە يە قىتاي نارىعىنا كەدەرگىسىز وتاندىق ونىمدەردى ەكسپورتتاۋ قۇقىعىن بەرەدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار