ءبىرىنشى كەزەكتە الەۋمەتتىك نىساندارعا جىلۋ بەرىلە باستادى: بالاباقشالاردىڭ شامامەن 50%-ى, دەنساۋلىق ساقتاۋ وبەكتىلەرىنىڭ 25%-ى, ءبىلىم بەرۋ, مادەنيەت وبەكتىلەرىن قوسۋ بويىنشا جۇمىستار جۇرگىزىلۋدە. سونىڭ ىشىندە كوپ پاتەرلى تۇرعىن ءۇي كەشەندەرىن جىلىتۋعا قوسۋ بويىنشا دا دايىندىقتار جالعاسىپ جاتىر. وبەكتىلەرگە دايىندىق پاسپورتتارى الىندى, جاڭا نىسانداردى جىلىتۋعا قوسۋ كوزدەرى انىقتالدى.
جەكە سەكتور تۇرعىندارى ءۇشىن كومىر قالانىڭ ءارتۇرلى بولىكتەرىندەگى 11 نۇكتەدە ساتىلادى. وتىن قويمالارىندا جەتكىلىكتى كولەمدە بار. كومىردىڭ باعاسى, تۇرلەرى جانە سانى تۋرالى تولىق اقپاراتتى 109 جەدەل جەلى ءنومىرى بويىنشا بىلۋگە بولادى. سونىمەن قاتار تۇرعىن ءۇي الاپتارىن گازداندىرۋ جۇمىستارى جالعاسۋدا.
