ايماقتار • 22 قىركۇيەك، 2020

توبەسى قۇلاعان سپورت كەشەنىندەگى قۇرىلىس جۇمىسىنا تەكسەرۋ باستالدى

56 رەت كورسەتىلدى

الماتى وبلىسىنىڭ ۇيعىر اۋدانىندا وقىس وقيعا بولدى. اۋدان ورتالىعى شونجى اۋىلىندا سالىنىپ جاتقان سپورت ساۋىقتىرۋ كەشەنى عيماراتىنىڭ توبەسى وپىرىلىپ ءتۇستى، دەپ حابارلايدى Egemen.kz.

الدىن الا بولجام بويىنشا اپات قۇرىلىس الاڭىنداعى ءۇشىنشى بولىك شاتىرىنا قويىلعان مەتال كونسترۋكتسيانىڭ قۇلاۋىنان بولۋى مۇمكىن. وقيعا سەبەپتەرىن انىقتاۋ ءۇشىن وبلىس اكىمىنىڭ ءبىرىنشى ورىنباسارى ءلاززات تۇرلاشەۆ باستاعان ارنايى  كوميسسيا قۇرىلىپ، جۇمىس ىستەۋدە.

- جۇمىس كوميسسياسىنىڭ قۇرامىنا وبلىستىق قۇرىلىس، ونەركاسىپتىك قاۋىپسىزدىك، مەملەكەتتىك ساۋلەت قۇرىلىس باقىلاۋ باسقارماسى، توتەنشە جاعدايلار دەپارتامەنتى، تەحنيكالىق جانە اۆتورلىق قاداعالاۋ ينستيتۋتىنىڭ ماماندارى مەن قۇرىلىستىڭ باس مەردىگەرى "ليدەر-نك" سەرىكتەستىگىنڭ وكىلدەرى كىردى. قازىر قۇرىلعان كوميسسيا مۇشەلەرى شاتىر بلوگىنىڭ قۇلاۋ سەبەپتەرىن انىقتاۋ جانە وسىنداي جاعدايلاردىڭ الدىن-الۋ ماقساتىندا اتالمىش نىساندا جان-جاقتى تەكسەرۋ جۇرگىزىپ جاتىر. كوميسسيا جۇمىسىنىڭ ناتيجەلەرى الداعى ۋاقىتتا قوسىمشا حابارلانادى، دەپ حابارلادى الماتى وبلىسى اكىمىنىڭ ءباسپاسوز قىزمەتى.

جالپى، شونجىداعى عيماراتتىڭ قۇرىلىسى بىلتىر باستالعان. وڭىردەگى ماڭدايالدى سپورت نىسانى بولۋى ءتيىس عيمارات جىلدىڭ سوڭىنا دەيىن ىسكە قوسىلىپ، پايلانۋعا بەرىلۋى ءتيىس ەدى. وبلىستىق قۇرىلىس باسقارماسىنىڭ تاپسىرىسىمەن ىرگەسى قالانعان دەنە شىنىقتىرۋ كەشەنىن سالۋعا 1 ملرد 171 ملن تەڭگە قارجى بولىنگەن ەكەن.

- اۋدانىمىزدا سالىنىپ جاتقان دەنە شىنىقتىرۋ-ساۋىقتىرۋ كەشەنىنىڭ 3-بولىگىندە اپات بولدى. سپورت زالدىڭ جۇمساق شاتىرىن سالۋ كەزىندە مەتالل كونسترۋكتسيا قۇلاپ كەتكەن. وقىس وقيعادان زارداپ شەككەندەر جوق. قۇلاعان بلوكتىڭ اۋدانى 1058،4 شارشى مەتردى قۇرايدى. اپاتتىڭ عيماراتتىڭ قالاعان ءبىرىنشى جانە ەكىنشى بلوكتارىنا زيان كەلمەگەن. وقياع سەبەتىن ارانيى كوميسسيا انىقتايتىن بولادى، دەدى بىزگە ۇيعىر اۋدانىنىڭ اكىمى شۋحرات نۇراحۋنوۆ

ايتپاقشى، بىلتىر ەلىمىز بويىنشا ءىرىلى-ۋاقتى 1238 سپورت نىسانى سالىنىپ پايدالانۋعا بەرىلگەن بولاتىن. ونىڭ ىشىندە دەنە شىنىقتىرۋ مەن سالاماتتى ءومىر سالتىن ساقتاۋعا ارنالعان 13 امبەباپ ساۋىقتىرۋ كەشەنى بار ەكەن. بيىل ءدال وسىنداي 48 عيماراتتىڭ قۇرىلىسى اياقتالىپ، بۇقارالىق سپورتتى دامىتۋعا ءوز ۇلەسىن قوسۋى ءتيىس-تۇعىن. ال ايماقتاردا ىرگەسى قالانىپ، قۇرىلىس قىزعان دەنە شىنىقتىرۋ جانە ساۋىقتىرۋ كەشەنىنىڭسانى ءجۇزدىڭ ۇستىندە. بۇل ساناتتا الماتى وبلىسى دا بار. جىل سوڭىنا دەيىن جەتىسۋدا 4 سپورت كەشەنى پايدالانۋعا بەرىلۋى كەرەك بولعان. شونجى اۋىلىنداعى توبەسى وپىرىلىپ تۇسكەن عيمارات تا وسى تىزىمدە ەدى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار