پارلامەنت • 22 قىركۇيەك، 2020

ماجىلىسمەندەر گەندەرلىك تەڭدىكتى ىلگەرىلەتۋدىڭ نەگىزگى قاعيدالارىن تالقىلادى

16 رەت كورسەتىلدى

ءماجىلىس دەپۋتاتتارى مەرۋەرت قازبەكوۆا، نارينە ميكاەليان، ءاليا ساپاروۆا جانە يرينا سميرنوۆا پارلامەنت دەپۋتتارىنا ارنالعان سەمينارعا بەينە-كونفەرەنتسيا ارقىلى قاتىستى، دەپ حابارلايدى Egemen.kzء ماجىلىستىڭ ءباسپاسوز قىزمەتىنە سىلتەمە جاساپ.

"ورتالىق ازيا مەن اۋعانستانداعى بەيبىتشىلىك پەن تۇراقتىلىق ءۇشىن ايەلدەر پارلامەنتشىلەرىنىڭ سەرىكتەستىگى" تاقىرىبىندا وتكەن سەميناردى ورتالىق ازيا ءۇشىن پرەۆەنتيۆتى ديپلوماتيا بويىنشا بۇۇ ايماقتىق ورتالىعى ۇيىمداستىردى.

جيىن بارىسىندا دەپۋتاتتار گەندەرلىك تەڭدىكتى ىلگەرىلەتۋدىڭ نەگىزگى قاعيدالارىمەن، ورتالىق ازيا مەن اۋعانستان پارلامەنتتەرىندەگى ايەلدەردىڭ وكىلدىكتەرىمەن، ولاردىڭ ايەلدەر، بەيبىتشىلىك پەن قاۋىپسىزدىك تۋرالى 1325 رەزوليۋتسياسىن جۇزەگە اسىرۋداعى رولىمەن تانىستى. بۇل 2000 جىلى بىرىككەن ۇلتتار ۇيىمىنىڭ قاۋىپسىزدىك كەڭەسى شيەلەنىستەردى بولدىرماۋ، بىتىمگەرشىلىك جانە قاۋىپسىزدىك پروتسەستەرىندەگى ايەلدەردىڭ بەلسەندى ءرولىن كەڭەيتۋ ماقساتىندا №1325 – "ايەلدەر، بەيبىتشىلىك جانە قاۋىپسىزدىك" رەزوليۋتسياسى قابىلدانعان.

سونىمەن قاتار جيىندا دەپۋتات ايەلدەردىڭ جۇمىس بارىسى جانە ولاردىڭ مەملەكەتتىك ساياساتقا اسەرى تۋرالى تولىعىراق تالقىلاندى. سونداي-اق سەميناردا مەملەكەتتىك جانە ۇكىمەتتىك ەمەس ۇيىمدارمەن، قوعامدىق بىرلەستىكتەرمەن سەرىكتەستىك بايلانىس ورناتۋ ماسەلەلەر تۋرالى دا قارالدى.

سوڭعى جاڭالىقتار

تسيرك - الەم نازارىندا

قازاقستان • بۇگىن، 20:51

ۇقساس جاڭالىقتار