"قازىر ءبىزدىڭ الدىمىزدى وتە ماڭىزدى ماسەلە تۇر – بۇل پاندەميانىڭ ەكىنشى تولقىنىنىڭ باستالۋى. ءبىز باتىس ەۋروپانىڭ, تۇتاستاي العاندا كوپتەگەن ەلدەردىڭ وسى قۇبىلىسپەن تاپ بولعان جاعدايدى كورىپ وتىرمىز. قازاقستانداعى, ونىڭ ىشىندە الماتىداعى ستاتيستيكاعا سايكەس, كوروناۆيرۋس ينفەكتسياسىنىڭ ستاتيستيكاسى تۇراقتى. وسىنى ساقتاۋ ءۇشىن ساقتىق شارالارىن كۇشەيتۋ قاجەت", دەدى ن.ابىلشايىقوۆ.
ن.ابىلشايىقوۆ كوروناۆيرۋس ينفەكتسياسىنىڭ جاعدايىنىڭ تۇراقتىلىعىنا قاراماستان, الدىن الۋ شارالارىن ساقتاۋعا ءتيىستى نازار اۋدارۋ وتە ماڭىزدى ەكەنىن اتاپ ءوتتى.
"بارلىق قاراپايىم ەرەجەلەردى ساقتاۋ ماڭىزدى (الەۋمەتتىك قاشىقتىق, ماسكا رەجيمى جانە ت. ب.). وسىلايشا, ءبىز كارانتين شارالارىن ەنگىزۋدى كەيىنگە شەگەرۋىمىز مۇمكىن. وسى شارالاردى ساقتاي وتىرىپ, كاسىپكەرلەر ءوز قىزمەتىن ودان ءارى جالعاستىرا الادى. پاندەميانىڭ ەكىنشى تولقىنى باستالعان كەزدە كاسىپورىنداردى تولىق كارانتينگە جابۋ مۇمكىندىگى دە جوققا شىعارىلمايدى. وسىعان بايلانىستى مەن كاسىپكەرلەردى ساقتىق شارالارىن ساقتاۋعا شاقىرامىن", دەدى ول. كاسىپكەرلەردى جۇمىس ورىندارىندا سانيتارلىق-ەپيدەميالىق نورمالاردى ساقتاۋعا شاقىردى.
