قازاقستان • 22 قىركۇيەك، 2020

بيىل ورتالىق ازيا ەلدەرى مەن اۋعانستانعا ۇن ەكسپورتتالادى

29 رەت كورسەتىلدى

قازىرگى كۇنى ەلىمىزدەگى استىق الاڭىنىڭ 93،4 پايىزى جينالىپ، قامباعا 18 ملن-نان استام استىق باستىرىلدى، دەپ حابارلايدى Egemen.kz

اۋىل شارۋاشىلىعى ءمينيسترى ۇكىمەت وتىرىسىندا بيىل ەگىن جيناۋ ناۋقانىنىڭ قارقىنى وتكەن جىلعا قاراعاندا جوعارى ەكەنىن جانە گەكتارىنا ورتاشا ەسەپپەن 12،3 تسەنتنەردەن جينالعانىن مالىمدەدى.

ءمينيستردىڭ ايتۋىنشا، استىق قابىلداۋ كاسىپورىندارىنا بارلىعى 3،0 ملن توننا استىق ءتۇستى، بۇل 2019 جىلعى وسىنداي مەرزىمدە استىق قابىلداۋ كاسىپورىندارىنا ساقتاۋعا كەلىپ تۇسكەن استىق كولەمىنەن 2،1 ەسە كوپ.

ء"داندى جانە ءداندى-بۇرشاقتى داقىلدار ءوندىرىسىنىڭ بولجامدى كولەمى ەلدىڭ ىشكى قاجەتتىلىكتەرىن تولىقتاي قامتاماسىز ەتۋگە مۇمكىندىك بەرەتىنىن اتاپ وتكىم كەلەدى"، دەدى ساپارحان وماروۆ.

سونداي-اق اشم باسشىسى وتاندىق بيداي مەن ۇن قاي ەلدەرگە ەكسپورتالاتىنىن اتاپ ءوتتى."

جاڭا ماۋسىمدا قازاقستاندىق بيداي مەن ۇننىڭ نەگىزگى جەتكىزىلىمدەرى ءداستۇرلى تۇردە ورتا ازيا ەلدەرى مەن اۋعانستان نارىعىنا جولداناتىن بولادى"، دەدى س.وماروۆ.

سوڭعى جاڭالىقتار

ۇقساس جاڭالىقتار