وتىرىستا مەملەكەت باسشىسىنىڭ اعىمداعى جىلعى 1 قىركۇيەكتەگى «جاڭا جاعدايداعى قازاقستان: ناقتى ءىس-قيمىل كەزەڭى» اتتى قازاقستان حالقىنا جولداۋىندا ايتىلعان تاپسىرمالارىن ىسكە اسىرۋ بارىسى قارالدى.
ىشكى ىستەر ءمينيسترى ەرلان تۇرعىمباەۆ كەڭەس مۇشەلەرىنە توتەنشە جاعدايلار مينيسترلىگىن قايتا قۇرۋ, «جۇرتقا جاقىن پوليتسيا» قاعيداتى بويىنشا جەرگىلىكتى پوليتسيا قىزمەتىن رەفورمالاۋ, ازاماتتاردىڭ قۇقىقتارىن قامتاماسىز ەتۋ, ءىىم-دە وزىنە ءتان ەمەس فۋنكتسيالاردان بوساتۋ, سونداي-اق پرەزيدەنتتىڭ باسقا دا تاپسىرمالارىن ىسكە اسىرۋ تۋرالى باياندادى.
«جەرگىلىكتى پوليتسيا قىزمەتىن رەفورمالاۋدا قۇقىق بۇزۋشىلىقتىڭ الدىن الۋ سالاسىنداعى نەگىزگى بۋىن بولىپ تابىلاتىن ۋچاسكەلىك پوليتسيا ينسپەكتورلارىنا باستى ءرول بەرىلەدى. ولاردىڭ مارتەبەسىن ارتتىرۋ بويىنشا شارالار ازىرلەنۋدە. ۋچاسكەلىك ينستيتۋتتى نىعايتۋ, لاۋازىمدىق ايلىقاقىنى جانە لاۋازىمى بويىنشا شەكتى اتاقتاردى ارتتىرۋ كوزدەلۋدە» – دەپ اتاپ ءوتتى مينيستر.
قۇقىق بۇزۋشىلىقتار مەن تۇرمىستىق زورلىق-زومبىلىقتىڭ الدىن الۋ سالاسىنداعى ۋچاسكەلىك ينسپەكتورلاردىڭ وكىلەتتىكتەرىن كەڭەيتۋ ماسەلەلەرىنە ەرەكشە نازار اۋدارۋ, سونداي-اق ۋچاسكەلىك پۋنكتتەر جانىنداعى جۇرتشىلىق كەڭەستەرىن قايتا جانداندىرۋ جوسپارلانۋدا.
ۆەدومستۆو باسشىسى قاراعاندى وبلىسىندا جەرگىلىكتى قاۋىمداستىقپەن سەرىكتەستىك قارىم-قاتىناس ورناتۋ ءۇشىن قوعامدىق قاۋىپسىزدىكتى قامتاماسىز ەتۋدىڭ «سەرۆيستىك» فورماتىنا كوشۋدىڭ قاناتقاقتى جوباسى جۇرگىزىلىپ جاتقانىن حابارلادى. جاقىن ارادا ءدال وسىنداي جوبا ەلوردادا جۇمىس ىستەي باستايدى. سونىمەن قاتار ۋچاسكەلىك ينسپەكتورلاردىڭ قادامدىق الگوريتمدەرى تاجىريبەگە ەنگىزىلەدى.
وتىرىستا مينيستر ىشكى ىستەر ورگاندارىندا تسيفرلاندىرۋ سالاسىنىڭ دامۋى تۋرالى دا حاباردار ەتتى: «قىلمىستىق ىستەردى تەرگەۋ كەزەڭ-كەزەڭىمەن ەلەكتروندى فورماتقا كوشىرىلۋدە. مەملەكەتتىك قىزمەتتەردى «تسيفرعا» اۋىستىرۋ بويىنشا جۇمىستار جۇرگىزىلۋدە, جىل سوڭىنا دەيىن بۇل كورسەتكىشتى 91% - عا جەتكىزۋدى جوسپارلاپ وتىرمىز. بەينەباقىلاۋ جۇيەلەرى, سونىڭ ىشىندە جول قوزعالىسى دامۋدا. پاترۋلدىك پوليتسيا پلانشەتتەرمەن, بەينەتىركەگىشتەرمەن, تەرمينالدارمەن جابدىقتالعان».
مينيستر سىبايلاس جەمقورلىققا قارسى ءىس-قيمىل جونىندەگى جۇمىستى جەكە اتاپ ءوتتى. سىبايلاس جەمقورلىققا قارسى قىزمەت جانە ازاماتتىق قوعام ينستيتۋتتارىمەن بىرلەسىپ ۇشجاقتى جوسپار ىسكە اسىرىلۋدا. بولىمشەلەردە سىبايلاس جەمقورلىق تاۋەكەلدەرىن تومەندەتۋ بويىنشا شارالار قابىلدانۋدا.
«مەملەكەت باسشىسى ەلىمىزدىڭ قۇقىق قورعاۋ جۇيەسىندەگى ماڭىزدى ينستيتۋتسيونالدىق وزگەرىستەردى انىقتادى. مينيسترلىك بارلىق قاجەتتى شارالاردى قابىلدايدى», دەپ اتاپ ءوتتى ەرلان تۇرعىمباەۆ.
ءوز كەزەگىندە, قوعامدىق كەڭەس توراعاسى مارات قوعاموۆ ءىىم-ءنىڭ پوليتسيا قىزمەتىن حالىقپەن ءوزارا ءىس-قيمىلدىڭ جاڭا فورماتىنا كوشىرۋ جونىندەگى بەلسەندى جۇمىسىن اتاپ ءوتىپ, كەڭەستى ىشكى ىستەر ورگاندارىنىڭ قىزمەتىن جەتىلدىرۋ ماسەلەلەرىندە مينيسترلىككە جان-جاقتى كومەك كورسەتۋگە باعىتتادى.
سونداي-اق وتىرىس بارىسىندا قۇقىقتىق ءتارتىپتى قامتاماسىز ەتۋ سالاسىنداعى كەڭ اۋقىمدى ماسەلەلەر تالقىلاندى, پىكىر الماسىلدى, ءىىم ءتيىستى قىزمەتتەرىنىڭ باسشىلارىنا ۇسىنىمدار بەرىلدى.
