كوروناۆيرۋس • 22 قىركۇيەك، 2020

الەم ەلدەرى شەكتەۋ شارالارىن كۇشەيتىپ جاتىر

22 رەت كورسەتىلدى

فرانتسياداعى «جەڭىلمەگەن فران­تسيا» اتتى پارتيانىڭ باسشىسى جان-ليۋك مەلانشون BFM تەلەارناسىنا بەرگەن سۇحباتىندا رەسمي ءپاريجدىڭ پان­­دەميانىڭ ەكىنشى تولقىنىنا قار­سى دايىندىعىن سىنعا الدى.

اتالعان پارتيا سەركەسى «اۋرۋ­حا­نا­لارداعى ورىن جەتىسپەۋ قاۋپى جانە مەديتسينالىق قىزمەتكەرلەر سانىنىڭ ازدىعى ەكىنشى تولقىننىڭ ەكپىنىن قايتارا المايدى، بيلىك وعان ءازىر ەمەس» دەگەن پىكىرىن العا تارتتى.

مەلانشون ايتسا ايتقانداي، قازىردىڭ وزىندە فرانتسياداعى كۆي ورىستەۋى ازايماي تۇر. دەنساۋلىق ساقتاۋ ءمينيسترى وليۆە ۆەران وتكەن اپتادا ليون مەن نيتستسادا COVID-19-دىڭ قارقىندى جۇعۋىنا بايلانىستى 10 ادامنان ارتىق جينالۋعا رۇقسات ەتىلمەي، بارلار مەن مەيرامحانالار جابىلۋى مۇمكىن ەكەنىن ايتتى. بوردو، مارسەل جانە گۆادەلۋپادا دا جاعدايدىڭ جاقسارماي تۇرعانىنا قىنجىلعان و.ۆەران: ء«بىز اۋرۋحانالارعا ادامداردىڭ كوپتەپ ءتۇسۋىنىڭ الدىن الىپ، سانيتارلىق شەكتەۋ نورمالارىن قاتاڭداتپاساق بولمايدى»، دەيدى.

 * * *

بۇۇ باس حاتشىسى انتونيۋ گۋتەرريش 20 قىركۇيەكتە PBS تەلەارناسىنا بەرگەن سۇحباتىندا كوروناۆيرۋس پاندەمياسى مەن كليمات وزگەرۋى الەم الدىندا تۇرعان ەكى ماڭىزدى پروبلەما ەكەنىن مالىمدەدى.

باس حاتشى الەمدى جۇرىسىنەن جاڭىلدىرعان جاڭا ۆيرۋسقا قارسى ۆاكتسينا شىعارۋدا كوپتەگەن مەملەكەتتىڭ دايارلىعى بارىن، الايدا ولار ءوز ەلىنىڭ حالقىن عانا قامتىعىسى كەلەتىنىن، سوندىقتان ۆاكتسينا الەم جۇرتشىلىعىنا قولجەتىمدى بولۋى ءتيىس ەكەنىن اتاپ ءوتتى. ەكىنشىدەن، انتونيۋ گۋتەرريش اتموسفەراعا كومىرقىشقىل گازىنىڭ كوپتەپ بولىنۋىنە الاڭداۋشىلىق ءبىل­دى­رىپ، 2050 جىلعا دەيىن اۋا لاس­تان­ۋىن ازايتۋ ادامزات الدىنداعى اسا ماڭىزدى مىندەت ەكەنىن ايتقان. سونداي-اق ول الەمدەگى ەكى الپاۋىت مەملەكەت – اقش پەن قىتاي اراسىنداعى ەكونوميكالىق تەكەتىرەستىڭ دە جاعىمسىز اسەرىنە توقتالدى.

 * * *

شۆەتسيا ۇكىمەتى پارلامەنت الدىنا 2021 جىلعى بيۋدجەت جونىندەگى زاڭ جوباسىن ۇسىندى.

بۇل بيۋدجەت جىلداعىدان ايرىقشا. كوروناۆيرۋس ىندەتىنىڭ حالىققا تيگىزگەن زاردابىن جەڭىلدەتۋدى كوزدەگەن بيۋدجەتتىك جوبادا جۇمىسسىزدارعا بولىنەتىن قاۋىپ­سىز­دەندىرۋ سوماسى ۇلعايعان. ال بۇل ءوز كەزەگىندە ەلدىڭ از تابىس تاباتىن بولىگىنىڭ زەينەتاقى جيناق قورىنداعى قاراجاتىن دا كوبەيتۋگە كومەكتەسپەك.

بۇعان قوسا جوبادا سالىق مولشەرىن دە كەمىتۋ كوزدەلگەن. بۇل – ورتا جانە شاعىن تابىستاعى ءۇي شارۋاشىلىعىن قولداۋ. ويتكەنى سالىقتىڭ تومەندەۋى ۇيلەرىندە وتىرىپ، شارۋاسى ارقىلى كىرىسىن ۇلعايتامىن دەۋشىلەرگە ناقتى كومەك كورىنەدى.

 * * *

ۇندىستاندىق عالىمدار COVID-19-دى انىقتايتىن Tata CRISPR اتتى جاڭا تەست جاساپ شىعاردى.

كونە وركەنيەت بەسىگىنىڭ ءبىرى – ءۇندىستان تۇبەگىنىڭ حالقى پاندەميانىڭ قىسىمىن قاتتى سەزىندى. ەلدە اۋرۋ جۇقتىرعاندار سانى 4،3 ميلليوننان اسىپ، ءبىر كۇندە 1133 ادام كوز جۇمعان.

جاڭا تەستىڭ ەرەكشەلىگى – ۆيرۋستىڭ گەنومدىق تىزبەگىن تاني الاتىن كۇشكە يە. ارنايى Cas9 اتتى بەيىمدەلگەن اقۋىزدى پايدالانىپ، COVID-19 تۋدىراتىن ۆيرۋس­تى جازباي تانيتىن تەستىڭ سەزىمتالدىق قاسيەتى 96 پايىزدى قۇرايدى. قازىردىڭ وزىندە ءبىر كۇندە جاڭا تەست كومەگىمەن 92،6 مىڭ ادامنان ۆيرۋس انىقتالعان ەكەن.

 * * *

كوروناۆيرۋستىڭ ەكىنشى تول­قى­نى­نان قاۋىپتەنگەن ەلدەر كارانتين ەنگىزىپ جا­تىر.

جەر-جاھاندى جايلاعان جەگى قارقىنىن باياۋلاتار ەمەس. اقش، برازيليا، ءۇندىستان، رەسەي جانە باتىس ەۋروپا مەن لاتىن امەريكاسىنىڭ كوپتەگەن ەلى ىندەت ىلگەن ىلمەكتەن جۋىق ماڭدا شىعاتىن ءتۇرى كورىنبەيدى. ەو ەلدەرى اراسىندا چەحيا ۆيرۋس جۇقتىرۋدان الدىڭعى ورىنعا شىقسا، ۇلىبريتانيا پرەمەر-ءمينيسترى بوريس دجونسون بىرىككەن كورولدىك ازاماتتارىنىڭ دا ىندەت جۇقتىرعانىنا الاڭدادى. يسپانيادا اۋرۋ جۇقتىرۋدان تاعى دا رەكوردتىق كورسەتكىشتەر تىركەلىپ جاتىر. قالاي دەگەندە دە، ەكىنشى تولقىن كوپ ەلدىڭ ەسىگىن قاقپاستان تورىنە وزىپ الدى.

ەكىنشى تولقىن قاۋپىنەن حالقىن ساقتاۋدىڭ جولى دەپ يزرايل الەمدە ءبىرىنشى بولىپ ەل كولەمىندە تولىققاندى كارانتين ەنگىزىپ تاستادى. شەكتەۋگە قار­سىلاردىڭ كوپتىگىنە قاراماستان، يزرايل ۇكىمەتى كارانتين قاجەت دەپ ەسەپتەپ، ەكىنشى تولقىنمەن كۇرەسكە بارىنشا كىرىسكەن.

 

 

 

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

ۇقساس جاڭالىقتار