بۇدان بولەك, جەكە ينۆەستيتسيالاردىڭ ەسەبىنەن سانيتارلىق-گيگيەنالىق تورابى بار 128 جانارماي قۇيۋ بەكەتىن سالۋ جوسپارلانىپ وتىر. مەملەكەت باسشىسى جولداۋدا كوروناۆيرۋس ىندەتىنە قارسى كۇرەسكە بارلىق كۇش-جىگەردى جۇمىلدىرۋ قاجەتتىگىن ايتقان بولاتىن. سونىمەن قاتار «جول بويىنداعى سەرۆيستى دامىتۋ ماسەلەسىنە» ەرەكشە توقتالىپ, ۇكىمەتكە ءتيىستى تاپسىرمالار جۇكتەگەنى بەلگىلى. 5 جىل ىشىندە اتقارىلاتىن جوعارىدا ايتىلعان جۇمىستار جولداۋ جۇكتەگەن مىندەتتەردىڭ ۇدەسىنەن شىعۋعا باعىتتالعان.
«قازاۆتوجول» ۇك» اق ءباسپاسوز قىزمەتى:
– بيىل قايتا جاڭارتۋ جۇمىستارىنىڭ اياسىندا شورتاڭدى – زەرەندى, قاراعاندى قالاسىنىڭ اينالما جولى, نۇر-سۇلتان – پاۆلودار, جەتىباي – جاڭاوزەن, «نۇر-سۇلتان قالاسىنىڭ اينالما جولى, ۇزىناعاش – وتار, وسكەمەن – راحمان قاينارى مەن پەتروپاۆل – قورعان اۆتوجولدارىندا 22 سانيتارلىق توراپ قويىلادى. 2021 جىلى 40 سانيتارلىق-گيگيەنالىق توراپ, 2022 جىلى – 50, 2023 جىلى – 55, 2024 جىلى – 65, 2025 جىلى 87 سانيتارلىق-گيگيەنالىق توراپ ورناتىلادى, – دەپ حابارلادى.
سونىمەن قاتار 2025 جىلدىڭ سوڭىنا دەيىن حالىقارالىق جانە رەسپۋبليكالىق ماڭىزى بار جولداردىڭ بويىندا جەكە ينۆەستيتسيالاردىڭ ەسەبىنەن سانيتارلىق-گيگيەنالىق تورابى بار Compass, قازمۇنايگاز, Helios, Sinooil جانە Kaztransgas سياقتى كومپانيالاردىڭ 128 جانارماي قۇيۋ بەكەتى بوي كوتەرەدى.
بۇگىنگى تاڭدا الماتى – قورعاس, الماتى – تاشكەنت, سامارا – شىمكەنت, اقتوبە – مارتىق, نۇر-سۇلتان – تەمىرتاۋ, الماتى – وسكەمەن, ەكاتەرينبۋرگ – الماتى مەن دوسسور – اقتاۋ تەڭىز پورتى اۆتوموبيل جولدارىندا 18 جانارماي قۇيۋ بەكەتى سالىنۋدا. جول بويىنداعى سەرۆيستى دامىتۋ ماسەلەسى يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ باستى نازارىندا.
