قازاقستان • 21 قىركۇيەك، 2020

شەتەلدىكتەردىڭ قازاقستاندا تۇرۋ مەرزىمى ۇزارتىلدى

57 رەت كورسەتىلدى

شەتەلدىكتەردىڭ قازاقستاندا تۇرۋ مەرزىمى ۇزارتىلدى. بۇل تۋرالى ءىىم رەسمي وكىلى ءنۇردىلدا وراز ىشكى ىستەر مينيسترلىگى ۇيىمداستىرعان ونلاين بريفينگتە ايتتى، دەپ حابارلايدى Egemen.kz.

"قازاقستان ۇكىمەتى الەمدىك پاندەمياعا بايلانىستى ەلدەن شىعىپ ۇلگەرمەگەن شەتەلدىك ازاماتتارعا رۇقسات مەرزىمىن 1 قاراشاعا دەيىن سوزۋ تۋرالى شەشىم قابىلدادى. 2020 جىلدىڭ 16 ناۋرىزى مەن 1 قاراشاسى ارالىعىندا مەرزىمى ءوتىپ كەتكەن قۇجاتتار عانا قابىلدانادى. سونىمەن بىرگە، ەلىمىزگە ۆيزاسىز كەلىپ، قايتا ەلىنە ورالىپ ۇلگەرمەگەن شەتەلدىكتەر ءۇشىن 1 قاراشاعا دەيىن تۇرۋعا رۇقسات بەرىلەدى. ەڭ ماڭىزدىسى – 1 قاراشاعا دەيىن ەلدە قالۋ مەرزىمىن بۇزىپ، كەتە الماي قالعانى ءۇشىن شەتەلدىكتەردى جانە ولاردى قارسى العان ازاماتتار دا اكىمشىلىك جاۋاپكەرشىلىككە تارتىلمايدى"، دەدى ءنۇردىلدا وراز.

سونداي-اق، ءنۇردىلدا وراز قارجى پيراميدالارىنا قاتىستى قىلمىس تۋرالى ايتىپ بەردى.

"ىشكى ىستەر مينيسترلىگىنىڭ تەرگەۋ دەپارتامەنتى 2016-2017 جىلدار ارالىعىندا "Questra Holding"، "Questra World"، "Atlantic Global Asset Management"، "Five Winds Asset Managent" دەگەن اتاۋلارمەن قارجى پيراميدا قۇرعان بىرقاتار ەلىمىزدىڭ جانە باسقا دا مەملەكەتتەردىڭ ازاماتتارىنا قاتىستى تەرگەۋدى باستادى. ولاردىڭ ارەكەتىنەن مىڭداعان قازاقستاندىق جاپا شەككەن. قاراپايىم ازاماتتار باس-اياعى 1 ملرد-تان استام قارجىعا الدانعانىن ايتىپ وتىر"، دەدى ول.

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار