وعان قازاقستاندىق جانە جاپوندىق كومپانيالار ونلاين رەجيمدە قاتىستى.
جاپونيالىق "Tokyo Rope" كومپانياسى فيليالىنىڭ ديرەكتورى ازامات اسىلبەكوۆتىڭ مالىمەتىنە سۇيەنسەك, قول قويىلعان قۇجاتتارعا سايكەس, ءبىر جوبا نۇر-سۇلتاندا, ال ەكى جوبانى اتىراۋ وبلىسىندا قولعا الۋ جوسپارلانىپ وتىر.
ناقتىلاي ايتقاندا, اتىراۋ قالاسىندا جاپونيانىڭ زاماناۋي مەديتسينالىق قۇرالدارىمەن جابدىقتالاتىن كوپفۋنكتسيونالدى دياگنوستيكالىق ورتالىق اشىلادى. كەلىسىم اياسىندا قازاقستاندىق مەديتسينا ماماندارى جاپونيادا دايارلاۋ جانە تاعىلىمدامادان وتەدى. جوبالىق قۇنى 25 ملن اقش دوللارىن قۇرايتىن بۇل ورتالىق قازاقستاننىڭ عانا ەمەس, تاياۋ جانە الىس شەت ەلدەردىڭ ەمدەلۋشىلەر ءۇشىن مەديتسينالىق ءتۋريزمدى دامىتۋعا جول اشپاق.
سونداي-اق, جاپوندىق وزىق تەحنولوگيامەن مۇناي وڭدەۋ, تاۋ-كەن ءوندىرۋ جانە قۇرىلىس سالالارى ءۇشىن مەتالل ونىمدەرىن شىعاراتىن زاۋىت تا سالىنادى. ونىڭ قۇنى 8 ملن اقش دوللارىن قۇرايدى.
