بۇگىن تاڭدا نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ ەمحاناعا بارىپ, تۇماۋعا قارسى ەكپە سالدىردى. باسقارماسى باسشىسى ەكپەنىڭ ماۋسىمدىق اۋرۋلاردىڭ ءورشۋى كەزىندەگى ماڭىزدىلىعىن دا اتاپ ءوتتى.
"ۆاكتسيناتسيا – اۋرۋدىڭ اۋىر سيپاتى مەن ونىڭ كەڭ تارالۋىن ەسكەرە وتىرىپ, تۇماۋدان قورعاۋدىڭ ەڭ قيسىندى ءادىسى. سونىمەن قاتار, قازىر وسى كەزەڭ ءۇشىن ستاندارتتى اۋرۋلاردىڭ (سۋىق تيۋ, تۇماۋ) قوزدىرعىشى بولۋى مۇمكىن كوروناۆيرۋس ينفەكتسياسى كەزەڭىندە ۆاكتسيناتسيا وتە ماڭىزدى! بارشاڭىزدى ۆاكتسينا الۋعا جانە ءوز دەنساۋلىعىڭىزعا جاۋاپتى بولۋعا شاقىرامىن!" دەدى تيمۋر مۇراتوۆ قالا تۇرعىندارىنا.
ەسكە سالا كەتەيىك, ەلوردالىق قوعامدىق دەنساۋلىق ساقتاۋ باسقارماسى ەكپەنىڭ 110 مىڭ دوزاسىن ساتىپ العان بولاتىن. ول تمككك پاكەتىنە كىرەدى جانە حالىقتىڭ بەلگىلى ءبىر توبى ءۇشىن تەگىن جۇرگىزىلەدى. اتاپ ايتقاندا, سوزىلمالى اۋرۋلارى بار 18 جاسقا دەيىنگى بالالارعا, مەديتسينا قىزمەتكەرلەرىنە, جۇكتى ايەلدەرگە (جۇكتىلىكتىڭ 2-3-ءشى تريمەسترى), جابىق مەكەمەلەردەگى ادامدارعا (بالالار ءۇيى, سابيلەر ءۇيى, مەكتەپ ينتەرناتى), مۇگەدەكتەرگە (ەرەسەكتەر مەن سوزىلمالى اۋرۋلارى بار بالالار); 60 جاستان اسقان قارتتارعا.
نۇر-سۇلتاندا ۆاكتسينالاۋ باستالعاننان بەرى 24,6 مىڭ ادام تۇماۋعا قارسى ەكپە الدى. ولاردىڭ 6300-ءى بالالار, ونىڭ ىشىندە 211 ادام سابيلەر ۇيلەرىندە, بالالار ۇيلەرىندە, مەكتەپ-ينتەرناتتاردا, مۇگەدەك بالالارعا ارنالعان ينتەرناتتاردا. ەكپە العان ەرەسەكتەر سانى 14 مىڭ ادامنان استى.
