ايماقتار • 15 قىركۇيەك، 2020

اتىراۋدا تۇماۋعا قارسى سالىناتىن 60 مىڭ ۆاكتسينا بار

101 رەت كورسەتىلدى

وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنە سۇيەنسەك، اتىراۋدا تۇماۋعا قارسى 60 مىڭ ۆاكتسينا بار. ۆاكتسينا رەسەيدەن اكەلىنگەن، دەپ حابارلايدى Egemen.kz.

№1 اتىراۋ قالالىق ەمحانا باس دارىگەرىنىڭ ورىنباسارى  ايناگۇل شاۋموۆانىڭ اقپاراتىنا قاراعاندا، تەگىن ۆاكتسينانى الۋعا جاسى التى ايدان اسقان بالالارعا، جۇكتى ايەلدەرگە، مەديتسينالىق قىزمەتكەرلەرگە مەن سوزىلمالى سىرقاتىمەن ديسپانسەرلىك ەسەپتە تۇرعان ناۋقاستارعا، جاسى 60-تان اسقان ەگدە ادامدارعا سالۋ جوسپارلانىپ وتىر.

"بۇگىن وسى ساناتقا جاتاتىندارعا تۇماۋعا قارسى ۆاكتسينانى سالۋ باستالدى. ال، مەكەمەلەر تاراپىنان ەكپەنى اقىلى تۇردە الۋ ءۇشىن ءوتىنىشتى جەرگىلىكتى ەمحانالار ارقىلى بەرۋگە بولادى. تۇماۋعا قارسى سالىناتىن ۆاكتسينا رەسەيدەن شىعارىلعان. "گريپپول+" دەپ اتالاتىن ۆاكتسينانى وتكەن جىلدان بەرى قولدانىپ كەلەمىز. ۆاكتسينا قۇرامى قاراپايىم، تۇماۋدىڭ ا(H3N2)، ا(H1N1) جانە ۆ قارسى انتيگەنى عانا بار. سوندىقتان، ەكپەنى قورىقپاي الۋعا بولادى"،  - دەيدى  ايناگۇل شاۋموۆا.

سوڭعى جاڭالىقتار

تسيرك - الەم نازارىندا

قازاقستان • كەشە

ۇقساس جاڭالىقتار