قوعام • 15 قىركۇيەك، 2020

الماتىنىڭ قوعامدىق دەنساۋلىق ساقتاۋ باسقارماسى تۇماۋعا قارسى ۆاكتسينانى الۋعا بەي-جاي قاراماۋعا شاقىرادى

23 رەت كورسەتىلدى

بۇگىن الماتىدا تۇماۋ جانە جرۆي سياقتى ماۋسىمدىق اۋرۋلارعا قارسى حالىققا ۆاكتسيناتسيا ەگۋ باستالدى، دەپ حابارلايدى Egemen.kz.

الماتى قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ماۋسىمدىق اۋرۋلاردىڭ كوروناۆيرۋس ينفەكتسياسىنا قاباتتاسۋ قاۋپىنە بايلانىستى ۆاكتسيناتسينانى پاندەميا كەزىندە الۋدىڭ ەرەكشە ماڭىزدىلىعىن اتاپ ءوتتى.

"بيىل ءبىز ۆاكتسينا سالدىرۋعا جاۋاپكەرشىلىكپەن كەلىپ وتىرمىز، سەبەبى كوروناۆيرۋس پاندەمياسى كەزىندە اۋرۋلار قاباتتاسىپ كەتۋى مۇمكىن. وسى جاعدايدى ەسكەرە وتىرىپ، الماتىلىقتاردى ارىپتەستەرىمنىڭ ۆاكتسينا الۋعا شاقىرۋىنا بەي-جاي قاراماۋلارىن، سول ارقىلى پاندەميا جانە ماۋسىمدىق اۋرۋلار ورشىگەن ۋاقىتتا تۇماۋمەن اۋىرۋدى باسەڭدەتۋگە شاقىرامىن. ساتىپ الىنعان ۆاكتسينا  بۇرىننان جاقسى تانىلعان جانە حالىققا ءبىرىنشى جىل ەگىلىپ جاتقان جوق"، — دەپ اتاپ ءوتتى كامالجان نادىروۆ.

ەستەرىڭىزگە سالا كەتەيىك، جەرگىلىكتى بيۋدجەت قاراجاتىنا قاۋىپ توبىنداعى ادامدارعا تەگىن ۆاكتسينا ەگۋ ءۇشىن رەسەيدەن 130 مىڭ دوزا كولەمىندەگى ۇشۆالەنتتى تۇماۋعا قارسى "گريپپول پليۋس" ۆاكتسيناسى ساتىپ الىندى. 2020 جىلدىڭ قازاق ايىندا كوروناۆيرۋس ينفەكتسياسى پاندەمياسىن ەسكەرە وتىرىپ، قوسىمشا 300 مىڭ دوزا جەتكىزىلەدى دەپ كۇتىلۋدە.

اتاپ وتەتىن جايت، بيىلعى جىلى الماتىدا ۆاكتسيناتسيا پاندەمياعا بايلانىستى جىل سايىنعى ماۋسىمىنان ەرتە باستالدى جانە وسى جىلدىڭ جەلتوقسانىنا دەيىن جالعاسادى.

سوڭعى جاڭالىقتار

ۇقساس جاڭالىقتار