ايماقتار • 14 قىركۇيەك، 2020

جامبىل وبلىسى كوپفۋنكتسيونالدى رەانيموبيلمەن تولىقتى

39 رەت كورسەتىلدى

جۋالى اۋدانىنداعى ورتالىق اۋرۋحانانىڭ مامانداندىرىلعان جىلجىمالى كولىكتەر پاركى جاڭا زاماناۋي كوپفۋنكتسيونالدى رەانيموبيلمەن تولىقتى، دەپ حابارلايدى Egemen.kz

اۋداننىڭ تۋماسى، جەكە كاسىپكەر، حالىقارالىق Kusto Group كومپانياسىنىڭ نەگىزىن قالاۋشىلاردىڭ ءبىرى، تالعات تۇرىمباەۆ قۇنى 40 ميلليون تەڭگەنى قۇرايتىن جىلجىمالى رەانيموبيلدى ساتىپ الىپ، مەديتسينالىق مەكەمەگە سىيعا تارتتى.

ايتا كەتكەن ءجون، 2002 جىلى قۇرىلعان Kusto Group كومپانياسى الەمدەگى 10 ەلدە جۇمىس ىستەيدى. ونىڭ ىشىندە، كانادا، قىتاي، گرۋزيا، يزرايل، قازاقستان، رەسەي، سينگاپۋر، تۇركيا، ۆەتنام، ۋكراينا مەملەكەتتەرى بار.

توپ قۇرامىندا 30 كومپانيا بار دەسەك، وندا 8000 قىزمەتكەر ەڭبەك ەتەدى.

كومپانيانىڭ باستى باعىتتارىنىڭ ءبىرى – قايىرىمدىلىق جاساۋ. Kusto Group كومپانياسىنىڭ قايىرىمدىلىق قورى ءبىرىنشى كەزەكتە حالىقتىڭ ەڭ وسال توپتارىنا جانە مەديتسينا قىزمەتكەرلەرىنە كومەك كورسەتىپ كەلەدى. بۇعان دەيىن، جۋالىلىق اتىمتاي جومارت پاندەميا كەزىندە اۋدانعا قولۇشىن سوزعان. ول ورتالىق اۋرۋحاناعا قاجەتتى ءدارى-دارمەكتەر، مەديتسينا قىزمەتكەرلەرىنە ارنالعان قورعانىش قۇرالدارىن جانە 30 وتتەگى باللوننىڭ جەتكىزىپ بەرگەن. سونداي-اق كاسىپكەر اۋرۋحاناداعى ينفەكتسيالىق بولىمگە  وتتەگى جەتكىزۋ جۇيەسىن  ورناتۋعا ىقپال ەتتى. دەمەۋشى كومەگىنىڭ جالپى سومماسى 102 ملن تەڭگەنى قۇرايدى.

1

رەانيموبيلدى تابىستاۋ ءراسىمى اۋداندىق ورتالىق اۋرۋحانادا ءوتتى. سالتاناتتى شاراعا مەديتسينالىق قىزمەتكەرلەر جانە اۋداننىڭ تۇرعىندارى قاتىستى. جۋالى اۋدانىنىڭ اكىمى نارباي ەرگەبەكوۆ شاراعا قاتىسۋشىلاردى قۋانىشتى ساتپەن قۇتتىقتادى. ول ۋاقىتپەن ساناسپاي، ءوز دەنساۋلىقتارىن قاتەرگە تىگىپ،  ادامداردى قاۋىپتى ىندەتتەن اراشالاۋعا بارىن سالعان دارىگەرلەر مەن مەديتسينالىق قىزمەتكەرلەرگە العىسىن ءبىلدىردى. سونداي-اق تالعات تۇرىمباەۆ تا جەرلەستەرىنە نازار اۋدارىپ، جۋالىلىق مەديتسينا قىزمەتكەرلەرىنە دەگەن ريزاشىلىعىن جەتكىزدى.

بولاشاقتا كومپانيا واا-عا تاعى ءبىر ءموبيلدى تسيفرلىق دياگنوستيكالىق جابدىقتى ورناتپاق نيەتتە، سونىمەن قاتار وبلىستاعى از قامتىلعان وتباسىلارعا ارنالعان ەكى تۇرعىن ءۇيدى پايدالانۋعا بەرمەك.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار