“تارباعاتايعا تارتۋ” اكتسياسى

بۇگىندە الماتى وبلىسى, اقسۋ اۋدانىنىڭ قىزىلاعاش اۋىلىندا جانە شىعىس قازاقستان وبلىسى اۋماعىندا بولعان اپاتتىڭ سالدارىن جويۋ جانە قالپىنا كەلتىرۋ جۇمىستارىنا ەلىمىزدىڭ بارلىق وڭىرلەرى قامقور قولدارىن سوزۋدا. تابيعي اپاتتىڭ سالدارىن جويۋ جانە قالپىنا كەلتىرۋ جۇمىستارىنا قورقىت اتا اتىنداعى قىزىلوردا مەملەكەتتىك ۋنيۆەر­سي­تەتىنىڭ ۇجىمى مەن ستۋدەنتتەر قاۋىمى دا ءوز كومەك قولىن سوزعان بولاتىن. الماتى وبلىسىنىڭ قىزىلاعاش اۋىلىندا تابيعي اپاتقا ۇشىراعاندارعا اعىمداعى جىلدىڭ 25 ناۋرىزى كۇنى ۋنيۆەرسيتەتتەگى “تۇران” فيليالىنىڭ “نۇر وتان” حدپ باستاۋىش پارتيا ۇيىمى مۇشەلەرىنىڭ اتىنان 500 مىڭ تەڭگە كولەمدە قارجىلاي كومەك جىبەرىلگەن. جاقىندا ۋنيۆەرسيتەتتىڭ وقىتۋشى-پروفەسسورلار قۇرامى, ستۋدەنتتەر كاسىپ­وداقتارى كوميتەتى, قوعامدىق بىرلەستىكتەر مەن جاستار ۇيىمدارى جەتەكشىلەرىنىڭ باستاماسىمەن شىعىس قازاقستان وبلىسى, تارباعاتاي اۋدانىنداعى تابيعي اپات سالدارىنان زارداپ شەككەندەردى قولداۋعا باعىتتالعان “تارباعاتايعا تارتۋ” اتتى اكتسيا بولىپ ءوتتى. اكتسياعا 450 ستۋدەنت جانە وقىتۋشى-پروفەسسورلار قاتىستى. اكتسيا بارىسىندا ۋنيۆەرسيتەت ۇجىمى مۇشەلەرىنەن ەرىكتى تۇردە گۋمانيتارلىق كومەك رەتىندە 432 340 تەڭگە كولەمىندە قارا­جات جينالىپ, كاسپي بانكتىڭ وسكە­مەندەگى فيليالىندا ارنايى اشىلعان قوردىڭ ەسەبىنە اۋدارىلعان. سونىمەن بىرگە, تابيعي اپات سالدارىنان زارداپ شەككەن مەكتەپتەردىڭ كىتاپحانا قورىنا ارناپ قۇنى 311 305 تەڭگەنى قۇرايتىن 620 دانا بارلىق سىنىپ وقۋلىقتارى مەن بالالار ادەبيەتى الىنىپ, اپات ايماعىنا جەتكىزىلۋ ءۇشىن “نۇر وتان” حدپ وبلىستىق فيليالىنا تاپسىرىلعان. بۇعان قوسا, شىعىس قازاقستان جانە الماتى وبلىس­تارىنداعى قالپىنا كەلتىرۋ جۇمىستارىنا قاتىسۋ ءۇشىن ۋنيۆەرسيتەتتىڭ 30 ستۋدەنتىنەن “سىر ۇلاندارى” اتتى قۇرىلىس جاساعى قۇرىلىپ, جيىن ۇستىندە ءسوز العان جاساق كومانديرى قارشىعا راحىمجان ءوز جاساعى­نىڭ اپات ايماعىنا بارۋعا دايىن ەكەندىگىن مالىمدەدى. اتالعان اكتسيا جاستاردىڭ پاتريوتتىق سەزىمدەرىن وياتىپ, ولاردى ەلجاندىلىققا, وتانسۇيگىشتىككە تاربيەلەۋدە بارىنشا ماڭىزدى بولعانىن ايرىقشا اتاپ ءوتۋ ءلازىم. ەركىن ءابىل, قىزىلوردا.