ناتيجەسىندە ەلەكتر جەلىلەرىندە قوسىمشا قۋات قورى قالىپتاستىرىلىپ, شىمكەنت قالاسى, جامبىل جانە جەتىسۋ وبلىستارىنىڭ ەلەكترمەن جابدىقتاۋ جۇيەسىنىڭ سەنىمدىلىگى ايتارلىقتاي كۇشەيدى. ەندى بۇل وڭىرلەردىڭ ەنەرگوجۇيەسى ەڭ جوعارى جۇكتەمەلەرگە توتەپ بەرۋگە, سونداي-اق جاڭا تۇتىنۋشىلاردى قوسۋعا تولىق دايىن.
اتالعان جۇمىستار شەڭبەرىندە 2025 جىلى 220 كۆ «ساستوبە» جانە 220 كۆ «سارىوزەك» قوسالقى ستانتسيالارىندا جاڭعىرتۋ جانە تەحنيكالىق قايتا جاراقتاندىرۋ جۇمىستارى اياقتالدى.
«ساستوبە» قوسالقى ستانتسياسى: جۇكتەمەسى جوعارى توراپتار بوساتىلىپ, ترانزيتتىك قۋات كۇشەيتىلدى
«ساستوبە» قوسالقى ستانتسياسىندا KEGOC 25 مۆا بولاتىن ەكى كۇشتىك ترانسفورماتوردى ارقايسىسىنىڭ قۋاتى 63 مۆا بولاتىن جاڭا ترانسفورماتورلارعا اۋىستىردى.
وسىلايشا پەرسپەكتيۆالىق جوبالاردى ەسكەرە وتىرىپ, «شىمكەنت – جامبىل» ءترانزيتى بويىنشا رۇقسات ەتىلگەن جۇكتەمە ارتتىرىلدى, تۇتىنۋشىلاردىڭ ءبىر بولىگى 220 كۆ كەرنەۋلى جەلىدەن قورەكتەندىرۋگە اۋىستىرىلدى (10–15 مۆت-قا دەيىن), بۇعان دەيىن شەكتى رەجيمدە جۇمىس ىستەگەن قازىعۇرت قوسالقى ستانتسياسى مەن شىمكەنت جەو-3 اۆتوترانسفورماتورلارىنىڭ جۇكتەمەسى ازايتىلدى.
اتالعان ءىس-شارالاردىڭ ناتيجەسىندە شىمكەنت قالاسى مەن وعان ىرگەلەس اۋدانداردى ەلەكترمەن جابدىقتاۋ سەنىمدىلىگى ارتتى, بۇل اسىرەسە ەڭ جوعارى جۇكتەمە كەزەڭدەرىندە ايقىن بايقالاتىن بولادى.
«سارىوزەك» قوسالقى ستانتسياسى: قۋات تاپشىلىعى جويىلدى
«سارىوزەك» قوسالقى ستانتسياسىندا اۆتوترانسفورماتوردىڭ قۋاتى ەكى ەسەگە ارتتىرىلىپ, 32 مۆا-دان 63 مۆا-عا جەتكىزىلدى.
بۇل شارا توراپتاعى قۋات تاپشىلىعىن جويۋعا, جاڭا ءىرى تۇتىنۋشىلاردى قوسۋ ءۇشىن رەزەرۆ قالىپتاستىرۋعا جانە جەلىنىڭ ءارتۇرلى جۇمىس رەجيمدەرىندەگى تۇراقتىلىعىن ارتتىرۋعا مۇمكىندىك بەردى.
ءىس جۇزىندە قوسالقى ستانتسيا ءوڭىردىڭ بولاشاق دامۋىنا قاجەتتى قۋات رەزەرۆىنە يە بولدى. بۇل – وڭتۇستىك ءوڭىردى كۇشەيتۋگە باعىتتالعان جۇيەلى باعدارلامانىڭ ءبىر بولىگى. جۇمىستار اتالعان نىساندارمەن شەكتەلمەيدى. KEGOC قازاقستان بەج-ءىنىڭ وڭتۇستىك ايماعىن كۇشەيتۋدىڭ كەلەسى كەزەڭدەرىن ازىرلەپ وتىر.
قوسالقى ستانتسيالاردىڭ قۋاتىن ودان ءارى ارتتىرۋ بويىنشا ينۆەستيتسيالىق جوبالاردى دايارلاۋ جانە ىسكە اسىرۋ جالعاسۋدا. اتاپ ايتقاندا, «جالاعاش», «جاڭاتاس», «قازىعۇرت», «مىرعالىمساي», «قىزىلوردا» قوسالقى ستانتسيالارى جانە تالدىقورعان قالاسىنداعى «جەتىسۋ» قوسالقى ستانتسياسى قامتىلعان. قازىرگى ۋاقىتتا بىرقاتار نىساندار بويىنشا جوبالاۋ-سمەتالىق قۇجاتتامانى ازىرلەۋ جۇمىستارى جۇرگىزىلىپ جاتىر, ونىڭ اياسىندا قوسالقى ستانتسيالاردىڭ قۋاتىن كەڭەيتۋدىڭ تەحنيكالىق شەشىمدەرى مەن پارامەترلەرى ناقتىلانۋدا.
قازاقستاننىڭ وڭتۇستىك وڭىرلەرى يندۋستريالىق, اگروونەركاسىپتىك جانە تۋريستىك ورتالىقتار رەتىندە قارقىندى دامىپ كەلەدى. ترانسفورماتورلىق قۋاتتاردى كەزەڭ-كەزەڭىمەن ارتتىرۋ ينۆەستيتسيالىق جانە الەۋمەتتىك جوبالاردى ىسكە اسىرۋعا, كاسىپكەرلىكتى دامىتۋعا جانە حالىقتىڭ ءومىر ءسۇرۋ ساپاسىن جاقسارتۋعا بەرىك نەگىز قالايدى.
