كومپانيانىڭ دەرەگىنە سۇيەنسەك, 2025 جىلدىڭ قورىتىندىسى بويىنشا 5G Kcell جەلىسىندەگى دەرەكتەردى بەرۋ كولەمىنىڭ ۇشتەن بىرىنە جۋىعىن قامتاماسىز ەتكەن. بۇل 5G-ءدىڭ «سىناق ءۇشىن» عانا ەمەس, كۇندەلىكتى پايدالانىلاتىن تەحنولوگياعا اينالعانىن اڭعارتادى. اسىرەسە بايلانىس ساپاسىنا تالاپ جوعارى سەرۆيستەردە: ۆيدەوقوڭىراۋ, اعىندىق ۆيدەو, بۇلتتىق سەرۆيستەر جانە تسيفرلى تولەمدەر.
قامتۋ اۋماعى دا كەڭەيىپ كەلەدى. 5G تەك وبلىس ورتالىقتارىندا ەمەس, وبلىستىق جانە اۋداندىق ماڭىزى بار قالالاردا دا ىسكە قوسىلا باستادى. مىسالى, قاسكەلەڭ, جاڭاوزەن, قۇلسارى, ساتباەۆ, قارقارالى جانە باسقا دا قالالار. مۇنداي قالالاردا تۇراقتى ءموبيلدى ينتەرنەت – جاي عانا ىڭعايلىلىق ەمەس. ول تسيفرلى قىزمەتتەرگە قولجەتىمدىلىكتى ارتتىرىپ, ۇلكەن قالالار مەن وڭىرلەر اراسىنداعى تەڭسىزدىك ايىرماسىن ازايتۋى مۇمكىن.
5G-ءدى دامىتۋ ايتارلىقتاي ينۆەستيتسيانى تالاپ ەتەدى. Kcell دەرەكتەرىنە سايكەس, سوڭعى ءۇش جىلدا 5G جەلىسىن دامىتۋعا سالىنعان قارجى 180 ملرد تەڭگەدەن استى. وسى تۇستا تاريف ساياساتى دا نازاردا: كومپانيا سالىق كودەكسى وزگەرىپ, ققس مولشەرلەمەسى كوتەرىلگەن جاعدايدا دا تاريفتىك جوسپارلاردىڭ باعاسىن وسىرمەگەنىن اتاپ وتەدى.
نارىقتاعى جالپى كورىنىس تە بۇل ماسەلەنىڭ نەلىكتەن وزەكتى ەكەنىن كورسەتەدى. DataReportal/Kepios باعالاۋىنشا, 2025 جىلدىڭ سوڭىندا قازاقستاندا 27,3 ملن ءموبيلدى قوسىلۋ بولدى (131%), ينتەرنەتتى 19,5 ملن ادام پايدالاندى (93,4%), ال الەۋمەتتىك جەلى اۋديتورياسى 16,9 ملن-عا جەتتى (80,8%). مۇنداي جاعدايدا تەڭسىزدىك «ينتەرنەت بار/جوق» دەگەننەن گورى «ينتەرنەت قانشالىقتى ساپالى» دەگەن ولشەمگە كوشەدى. سوندىقتان 5G-ءدى جەدەلدەتىپ ەنگىزۋ جانە قامتۋدى ءىرى قالالاردان تىس جەرلەرگە دە تاراتۋ – ينفراقۇرىلىمنىڭ ءوسىپ كەلە جاتقان تسيفرلى سۇرانىسقا دايىندىعىن كورسەتەتىن بەلگى.
