فوتو: تجم
ءورت 7 ءساۋىر كۇنى اقتوبە قالاسىنداعى ابىلقايىر حان داڭعىلى, 40 مەكەنجايىندا ورنالاسقان عيماراتتىڭ شاتىرىنان شىققان. جالىن شامامەن 300 شارشى مەتر اۋماقتى شارپىعان. ءورت 21:19-دا وقشاۋلانىپ, 21:52-دە تولىقتاي ءسوندىرىلدى.
وسكەمەندەگى جارىلىس: ءتورت ادام اۋرۋحاناعا جەتكىزىلدى
ءتىلسىز جاۋمەن كۇرەسكە 120-دان استام قىزمەتكەر مەن 30-دان اسا تەحنيكا جۇمىلدىرىلدى. قوعامدىق ءتارتىپتى ساقتاۋ ءۇشىن پوليتسيا, ۇلتتىق ۇلان اسكەري قىزمەتشىلەرى جانە باسقا دا قىزمەتتەر تارتىلدى.
وقيعا كەزىندە عيماراتتا ادام بولماعاندىقتان, زارداپ شەككەندەر جوق, ەۆاكۋاتسيا جۇرگىزىلمەدى. ءورتتىڭ شىعۋ سەبەبى انىقتالۋدا. قازىرگى ۋاقىتتا ءورت-تەحنيكالىق جانە ەلەكتروتەحنيكالىق ساراپتامالار تاعايىندالىپ, قىلمىستىق كودەكستىڭ 292-بابى 2-بولىگى بويىنشا سوتقا دەيىنگى تەرگەۋ باستالدى. الدىن الا بولجام بويىنشا, ءورت ەلەكتر سىمدارىنىڭ قىسقا تۇيىقتالۋىنان بولۋى مۇمكىن.
اقتاۋدا كوپقاباتتى تۇرعىن ۇيدەن ءورت شىقتى: 14 ادام ەۆاكۋاتسيالاندى
ءورت سوندىرىلگەننەن كەيىن عيماراتتا العاشقى قالپىنا كەلتىرۋ جۇمىستارى جۇرگىزىلدى: شاتىر تازارتىلىپ, جوندەۋ باستالدى. قارجىلاندىرۋ وبلىستىڭ توتەنشە جاعدايلار رەزەرۆى ەسەبىنەن جۇزەگە اسىرىلۋدا, ال قالپىنا كەلتىرۋ جۇمىستارىن ارنايى كومپانيا اتقارادى.
قازىرگى تاڭدا جاعداي ءوڭىر باسشىسىنىڭ باقىلاۋىندا.
