جاڭا قۇجاتتا ەكونوميكالىق قىلمىستىق قۇقىق بۇزۋشىلىققا قاتىسى دالەلدەنگەن جەكە, زاڭدى تۇلعالاردى ارنايى رەەسترگە ەنگىزۋ مەن ودان شىعارۋ ءتارتىبى ناقتى كورسەتىلگەن. ياعني, كىمنىڭ, قانداي نەگىزدە, قاشان تىزىمگە الىناتىنى جانە قاي ۋاقىتتا شىعارىلاتىنى انىق جازىلعان.
سونىمەن قاتار رەەستردە قانداي مالىمەتتەر ساقتالاتىنى دا بەلگىلەنگەن. قانداي اقپارات ەنگىزىلەدى, ول دەرەكتەر قانشا ۋاقىتقا دەيىن ساقتالادى, قانداي جاعدايدا وشىرىلەدى دەگەن ماسەلەلەردىڭ ءبارى قۇجاتتا قامتىلعان. بۇل رەتتەۋ جۇيەسى قارجى-باقىلاۋ جۇمىسىن جۇيەلەۋگە كومەكتەسۋى ءتيىس.
قىلمىستىق قۋدالاۋعا تارتىلعان مەملەكەتتىك قىزمەتشىلەردىڭ ۇلەسى 0,3%-عا قىسقاردى
اگەنتتىكتىڭ تۇسىندىرۋىنشە, بۇل ءتىزىم ەڭ الدىمەن قۇقىق بۇزۋشىلىقتىڭ الدىن الۋ ءۇشىن قاجەت. قوعام مەن كاسىپكەرلەر ەكونوميكالىق قىزمەت سالاسىنداعى قاۋىپ-قاتەردى الدىن الا ءبىلىپ, ساقتانۋ مۇمكىندىگىنە يە بولادى. سونداي-اق بۇل رەەستر قارجىلىق مونيتورينگ اياسىنداعى ءىس-شارالاردى ءتيىمدى جۇرگىزۋگە ارنالعان قۇرال رەتىندە پايدالانىلماق.
قۇجات جوباسى قازىر اشىق تالقىلاۋعا شىعارىلعان. ازاماتتار مەن ۇيىمدار ءوز پىكىرىن بىلدىرە الادى. تالقىلاۋ مەرزىمى 19 اقپانعا دەيىن جالعاسادى. وسى ۋاقىت ىشىندە ۇسىنىستار مەن ەسكەرتپەلەر قابىلدانادى.
