ء«بىز بۇگىندە ەلىمىزدىڭ الداعى دامۋ باعىتى ايقىندالاتىن تاريحي كەزەڭدە ءومىر ءسۇرىپ جاتىرمىز. جاڭا كونستيتۋتسيا جوباسىن تالقىلاۋ – مەملەكەتىمىزدىڭ قوعامدىق-ساياسي ومىرىندەگى اسا ماڭىزدى وقيعاعا اينالدى», دەدى ايدا بالاەۆا.
ءمينيستردىڭ ايتۋىنشا, قازىر قوعامدىق-ساياسي احۋالدى تۇراقسىزداندىرۋ ماقساتىندا تانىمال تۇلعالاردىڭ اتىنان جالعان پاراقشالار اشىلىپ, نەگىزسىز ۇندەۋلەر جاريالانىپ وتىر.
«وكىنىشكە قاراي, كەيبىر الەۋمەتتىك جەلى قولدانۋشىلارى جاعدايدى تەرىس ماقساتتا پايدالانىپ, ەلىمىزدەگى قوعامدىق-ساياسي احۋالدى تۇراقسىزداندىرۋعا باعىتتالعان ارەكەتتەرگە بارىپ وتىر. ارانداتۋشىلار نەگىزسىز اقپارات تاراتىپ, جالعان پاراقشالار مەن اككاۋنتتار اشقان (مىسالى, مۇحتار شاحانوۆتىڭ, شاۆكات راحمونوۆتىڭ جانە وزگە دە تۇلعالاردىڭ اتىنان اشىلعان فەيك-اككاۋنتتار ارقىلى ءتىل, جەردى ساتۋ سەكىلدى ماسەلەلەر بويىنشا ارانداتۋشىلىق اقپارات پەن ۇندەۋلەر جاريالانۋدا)», دەدى مينيستر.
مۇحتار شاحانوۆ ءوز اتىنان تاراعان جالعان اقپاراتتى جوققا شىعاردى
سونىمەن قاتار مينيستر ەلدەگى ميتينگىلەر تۋرالى جالعان حابارلار مەن كونستيتۋتسيانىڭ جەكەلەگەن باپتارىن بۇرمالاپ ءتۇسىندىرۋ فاكتىلەرىنە توقتالدى. ونىڭ سوزىنشە, ءتىپتى بۇقارالىق اقپارات قۇرالدارىنا تەحنيكالىق شابۋىلدار جاساۋ جاعدايلارى دا تىركەلگەن.
«ەلدە ءىرى ميتينگىلەر مەن جاپپاي نارازىلىق اكتسيالارى ءوتىپ جاتىر دەگەن جالعان حابارلار تاراتىلىپ, كونستيتۋتسيانىڭ جەكەلەگەن باپتارىن ادەيى بۇرمالاپ ءتۇسىندىرۋ فاكتىلەرى دە كەزدەسىپ وتىر.بۇدان بولەك, بۇقارالىق اقپارات قۇرالدارى مەن تانىمال پاراقشالارعا تەحنيكالىق شابۋىلدار جاسالىپ جاتقانى تۋرالى دا حابارلار ءتۇسىپ وتىر. قازىرگى ۋاقىتتا ۋاكىلەتتى ورگان رەتىندە ءبىز بۇل جاعدايدى جان-جاقتى زەردەلەپ, ءتيىستى شارالار قابىلداپ جاتىرمىز.وسىعان بايلانىستى تەك رەسمي اقپارات كوزدەرىنە عانا سەنۋگە جانە جالعان مالىمەتتەردى تاراتپاۋعا شاقىرامىن. جالعان اقپارات تاراتۋ قىلمىستىق جانە اكىمشىلىك جاۋاپكەرشىلىككە اكەپ سوعادى», دەدى ايدا بالاەۆا.
