جەتكىزۋ تۋرالى شارت الماتىداعى Falcon EuroBus كومپانياسى مەن پاكىستاندىق QCC International اراسىندا بەكىتىلدى. كەلىسىمگە سايكەس, العاشقى ەلەكتروبۋستاردى 2026 جىلدىڭ ءساۋىر ايىندا جەتكىزۋ جوسپارلانىپ وتىر.
كومپانيا وكىلدەرىنىڭ ايتۋىنشا, بۇل جوبا قازاقستاننىڭ ماشينا جاساۋ سالاسىنىڭ ەكسپورتتىق الەۋەتىن ارتتىرىپ قانا قويماي, ەكولوگيالىق تازا كولىكتى دامىتۋ باعىتىنداعى حالىقارالىق ىنتىماقتاستىقتى دا كۇشەيتەدى. ال 2027-2028 جىلدارى پاكىستانعا ەكسپورتتالاتىن اۆتوبۋستار كولەمىن 2 مىڭ بىرلىككە دەيىن ۇلعايتۋ كوزدەلگەن.
ساراپشىلار بۇل كەلىسىمدى وتاندىق ءوندىرىس ءۇشىن ماڭىزدى سەرپىن دەپ باعالايدى. ويتكەنى جوبا قازاقستاندا شىعارىلاتىن جوعارى تەحنولوگيالى ءونىمنىڭ شەتەلدىك نارىقتا سۇرانىسقا يە ەكەنىن كورسەتىپ, ەل ەكونوميكاسىنىڭ ءارتاراپتانۋىنا ۇلەس قوسپاق.
