دەپۋتات اۋىل شارۋاشىلىعىنداعى كادر تاپشىلىعى ماسەلەسىن كوتەرىپ, شەتەلدىك جۇمىس كۇشىن تارتۋعا قاتىستى زاڭنامانى جەتىلدىرۋدى سۇرادى.
ول ءوز ساۋالىندا مەملەكەت باسشىسى قاسىم-جومارت توقاەۆتىڭ 2025 جىلى اۋىل شارۋاشىلىعى ەڭبەككەرلەرىنىڭ فورۋمىندا ايتقان ءسوزىن ەسكە سالدى. پرەزيدەنت سول كەزدە اگرارشىلاردىڭ جۇمىس كۇشى جەتىسپەيتىنى تۋرالى وتىنىشتەرى كوبەيگەنىن جانە ەڭبەك ميگرانتتارىنا بولىنەتىن كۆوتالاردى ءىشىنارا ۇلعايتۋ مۇمكىندىگىن قاراستىرۋ قاجەت ەكەنىن مالىمدەگەن بولاتىن.
فراكتسيا مالىمەتىنشە, بۇگىندە ەلدىڭ بارلىق وڭىرلەرىندەگى شارۋاشىلىقتار تۇراقتى كادر تاپشىلىعىن سەزىنىپ وتىر. اسىرەسە ەگىس جانە وراق ناۋقاندارى كەزىندە, ءوندىرىستى كەڭەيتۋ مەن جاڭا نىساندار سالۋ بارىسىندا جۇمىسشى جەتىسپەۋشىلىگى ايقىن بايقالادى.
كوكتەمگى ەگىس ناۋقانى: بيىل قانشا فەرمەر جەڭىلدەتىلگەن نەسيە الدى؟
قولدانىستاعى قۇقىقتىق رەتتەۋ اۋىل شارۋاشىلىعى ءوندىرىسىنىڭ ەرەكشەلىكتەرىن تولىق ەسكەرمەيدى. بۇل فەرمەرلەردىڭ جۇمىسىن قيىنداتىپ قانا قويماي, جەمقورلىق تاۋەكەلدەرىنىڭ پايدا بولۋىنا دا نەگىز بولۋى مۇمكىن.
2025 جىلى جەرگىلىكتى اتقارۋشى ورگانداردىڭ رۇقساتىمەن قازاقستاندا 14 210 شەتەلدىك ازامات ەڭبەك ەتكەن. ونىڭ ىشىندە اۋىل, ورمان جانە بالىق شارۋاشىلىعى سالاسىندا جۇمىس ىستەگەندەردىڭ سانى 3 475 ادامدى نەمەسە جالپى كورسەتكىشتىڭ شامامەن تورتتەن ءبىرىن قۇرادى.
سونىمەن قاتار دەپۋتات ءدال وسى كەزەڭدە ءۇي شارۋاشىلىعىنداعى جۇمىستاردى ورىنداۋ ءۇشىن قازاقستانعا 324 مىڭ شەتەلدىك ازامات كەلگەنىن اتاپ ءوتتى. ولاردىڭ پىكىرىنشە, بۇل كورسەتكىشتەردىڭ اراسىنداعى ۇلكەن ايىرماشىلىق ەڭبەك رەسۋرستارىنىڭ ءبىر بولىگىنىڭ رەسمي ستاتيستيكادان تىس تارتىلىپ جاتقانىن كورسەتۋى مۇمكىن.
«فەرمەرلەر شەتەلدىك جۇمىس كۇشىن تارتۋ كەزىندە كوپتەگەن شەكتەۋلەرگە تاپ بولادى. ماسەلەن, ءبىر ادامنىڭ مەكەنجايى بويىنشا تىركەلەتىن شەتەلدىك ازاماتتاردىڭ سانىنا شەكتەۋ قويىلعان. سونداي-اق شەتەلدىك جۇمىسشىلار تەك تىركەلگەن مەكەنجايدا عانا ەڭبەك ەتۋگە مىندەتتى. ال مال شارۋاشىلىعىندا جۇمىس كوبىنە تىركەۋ ورنىنان جۇزدەگەن شاقىرىم قاشىقتاعى جايىلىمداردا جۇرگىزىلەدى», دەدى ول.
سەرىك ەگىزباەۆ ۇلىتاۋ وبلىسىنداعى شارۋالاردان بيىل كوشى-قون قىزمەتى تاراپىنان جۇرگىزىلەتىن تەكسەرۋلەردىڭ كوبەيگەنى تۋرالى شاعىمدار تۇسكەنىن دە مالىمدەدى. اگرارشىلاردىڭ پىكىرىنشە, مۇنداي تەكسەرۋلەردىڭ نەگىزگى ماقساتى قۇقىقبۇزۋشىلىقتىڭ الدىن الۋ ەمەس, اكىمشىلىك جاۋاپكەرشىلىككە تارتۋ كورسەتكىشتەرىن ارتتىرۋعا باعىتتالعان.
وسىعان بايلانىستى ۇكىمەتكە شەتەلدىك جۇمىس كۇشىن تارتۋ ماسەلەسىن جەكە قاراۋدى ۇسىندى. اتاپ ايتقاندا, اۋىل شارۋاشىلىعىنداعى ماۋسىمدىق جۇمىستاردىڭ ەرەكشەلىگىن ەسكەرە وتىرىپ زاڭنامانى تالداۋ, شەتەلدىك جۇمىسشىلاردى تىركەۋ جانە كوشى-قون باقىلاۋ تەتىكتەرىن قايتا قاراۋ, اگرارلىق سەكتور ءۇشىن نەعۇرلىم يكەمدى قۇقىقتىق مەحانيزمدەر ەنگىزۋ, سونداي-اق شارۋالارعا نەگىزسىز اكىمشىلىك قىسىم كورسەتۋگە جول بەرمەۋ ۇسىنىلدى.
ماڭعىستاۋدا جاپپاي مال قىرىلىپ جاتىر: فەرمەرلەر وتەماقى تالاپ ەتتى
بۇدان بولەك, دەپۋتاتتار مەملەكەتتىك ورگاندار مەن اگرارلىق قاۋىمداستىق وكىلدەرىنىڭ قاتىسۋىمەن ارنايى ۆەدومستۆوارالىق كەڭەس وتكىزۋدى سۇرادى.
