كەلىسسوزدەر بارىسىندا تاراپتار قازاقستان مەن فرانتسيا اراسىنداعى ستراتەگيالىق سەرىكتەستىكتى ودان ءارى نىعايتۋ ماسەلەلەرىنىڭ كەڭ اۋقىمىن, سونداي-اق كوپجاقتى ءوزارا ءىس-قيمىلدىڭ وزەكتى باعىتتارىن تالقىلادى.
ا.يسەتوۆ قازاقستان مەن فرانتسيا اراسىنداعى ساياسي ديالوگتىڭ تۇراقتى ءارى سەنىمدى سيپاتقا يە ەكەنىن جانە ونىڭ مەملەكەتتەر باسشىلارى دەڭگەيىندەگى جۇيەلى بايلانىستار ارقىلى قولداۋ تابۋدا ەكەنىن اتاپ ءوتتى.
ەكونوميكالىق باعىتتاعى ماسەلەلەردى تالقىلاۋ بارىسىندا ا.يسەتوۆ فرانتسيانىڭ قازاقستاننىڭ جەتەكشى ەۋروپالىق ساۋدا-ينۆەستيتسيالىق سەرىكتەستەرىنىڭ ءبىرى رەتىندەگى ءرولىن اتاپ ءوتتى. فرانتسيانىڭ قازاقستان ەكونوميكاسىنا سالعان جالپى ينۆەستيتسيا كولەمى شامامەن 21 ملرد دوللاردى قۇرايدى. فرانتسۋز كومپانيالارى ەنەرگەتيكا, اۋىل شارۋاشىلىعى, كولىك ينفراقۇرىلىمى, ونەركاسىپ, ورنىقتى دامۋ جانە دەنساۋلىق ساقتاۋ سىندى قازاقستان ءۇشىن باسىم سالالاردىڭ دامۋىنا ەلەۋلى ۇلەس قوسىپ كەلەدى.
گۋمانيتارلىق سالادا ءبىلىم بەرۋ, عىلىم جانە مادەنيەت سالالارىنداعى ىنتىماقتاستىقتى دامىتۋعا ءوزارا مۇددەلىلىك راستالدى.
تاراپتار كوپجاقتى كۇن تارتىبىندەگى حالىقارالىق بەيبىتشىلىك پەن قاۋىپسىزدىكتى نىعايتۋ ماسەلەلەرىنە قاتىستى ۇستانىمداردىڭ سايكەستىگىن, سونداي-اق حالىقارالىق قۇقىق پەن بۇۇ جارعىسىنىڭ قاعيداتتارىنا بەيىلدىلىكتى اتاپ ءوتتى.
ەكولوگيالىق جانە كليماتتىق كۇن ءتارتىبى اياسىندا قازاق تاراپى 2026 جىلعى 22–24 ءساۋىر ارالىعىندا قازاقستاندا وتەتىن بۇۇ-نىڭ وڭىرلىك ەكولوگيالىق سامميتىنە قاتىستى فرانتسۋزدىق سەرىكتەستەردىڭ بەلسەندى ۇستانىم بىلىدىرەتىندىكتەرىنە ءۇمىت ءبىلدىردى. فرانتسۋز دەلەگاتسياسىنىڭ قاتىسۋى 2024 جىلعى جەلتوقساندا ەر-رياد قالاسىندا قازاقستان مەن فرانتسيا پرەزيدەنتتەرىنىڭ توراعالىعىمەن وتكەن One Water Summit باستاماسىنىڭ لوگيكالىق جالعاسى بولماق.
ءوز كەزەگىندە ب.روكفەي فرانتسيانىڭ قازاقستانمەن جان-جاقتى ىنتىماقتاستىقتى ودان ءارى دامىتۋعا مۇددەلىلىگىن تاعى دا راستاي وتىرىپ, مەملەكەت باسشىلارى اراسىندا قول جەتكىزىلگەن ۋاعدالاستىقتاردى پراكتيكالىق تۇرعىدا ىسكە اسىرۋدىڭ ماڭىزدىلىعىنا نازار اۋداردى.
سونىمەن قاتار ا.يسەتوۆ پاريجگە ساپارى اياسىندا فرانتسيانىڭ ەۋروپا جانە سىرتقى ىستەر مينيسترلىگى ساياسي جانە قاۋىپسىزدىك ماسەلەلەرى جونىندەگى باس ديرەكتورى فرەدەريك موندولونيمەن كەزدەستى. ونىڭ بارىسىندا ەكىجاقتى, وڭىرلىك جانە حالىقارالىق وزەكتى ماسەلەلەر تالقىلاندى.
