اتىراۋ پوليتسەيلەرى زاڭسىز جولمەن بەكىرە بالىعىن اۋلاعان ەكى ەر ادامدى قولعا ءتۇسىردى.
8 قىركۇيەك كۇنى پوليتسيا دەپارتامەنتىنىڭ بالىق قورىنا قىلمىستىق قول سۇعۋشىلىقپەن كۇرەس ءبولىمىنىڭ قىزمەتكەرلەرى جايىق وزەنىندەگى رەيدتىك ءىس-شارالار بارىسىندا ورمان شارۋاشىلىعى جانە جانۋارلار دۇنيەسى ينسپەكتسياسىنىڭ قىزمەتكەرلەرىمەن بىرلەسىپ (رىبووحرانا) “Yamaha-40” اسپالى قوزعالتقىشى بار بۋداركا قايىعىن توقتاتتى.
تەكسەرۋ كەزىندە قايىقتاعى دامبا اۋىلىنىڭ 36 جاستاعى ەكى تۇرعىنىنان ەكى قاپقا سالىنعان جالپى سالماعى 60 كەلىگە جۋىق بەكىرە تۇقىمداس بالىقتى, سونداي-اق 40 كەلى سازان مەن اۋ-تور تاركىلەنىپ الىندى.
قازىرگى ۋاقىتتا ەكى ازامات ۋاقىتشا ۇستاۋ ورنىندا. سوتقا دەيىنگى تەرگەپ-تەكسەرۋ قىلمىستىق كودەكستىڭ 335-بابى (بالىق رەسۋرستارىن, باسقا دا سۋ جانۋارلارىن نەمەسە وسiمدiكتەرىن زاڭسىز الۋ) بويىنشا جۇرگىزىلۋدە.
