قالا اكىمىنىڭ ايتۋىنشا, ەل باسشىلىعى وسى باعىتقا ەرەكشە كوڭىل بولەدى. قالادا ەرەكشە ءبىلىم بەرۋ قاجەتتىلىگى بار بالالاردى تاربيەلەۋ مەن وقىتۋ ءۇشىن جاعداي جاساعان مەكتەپكە دەيىنگى ۇيىمداردىڭ ۇلەسى ارتقان.
"تۇڭعىش پرەزيدەنت – ەلباسى قورىنىڭ باستاماسىمەن مەكتەپتەر بازاسىندا ينكليۋزيانى قولداۋ كابينەتتەرى اشىلدى. جازدا "اۋتيزم" جانە دتسپ دياگنوزى بار بالالاردى وڭالتۋعا ارنالعان 2 وڭالتۋ ورتالىعى اشىلدى. وسى جىلدىڭ سوڭىنا دەيىن كورۋ قابىلەتى بۇزىلعان بالالارعا ارنالعان بالاباقشانى, يپپوتەراپيامەن اينالىسۋعا ارنالعان جابىق ات سپورتى مانەجىن سالىپ, پايدالانۋعا بەرەمىز. "جاستار" سارايىندا عيماراتقا, ونىڭ ىشىندە باسسەينگە جوندەۋ جۇمىستارىن جۇرگىزەمىز – ەرەكشە قاجەتتىلىگى بار ادامدار ءۇشىن قولجەتىمدى بولادى جانە ت.ب. وسى باعىتتاعى جۇمىستار تۇراقتى نەگىزدە جۇرگىزىلەدى, دەيدى ەلوردا اكىمى.
سونداي-اق التاي كولگىنوۆ ازاماتتاردى اپتا سايىن قابىلدايتىنىن جىنە اتىلعان ماسەلەلەر جوسپارعا الىنعانىن قوسا كەتتى.
بۇگىندە ءتيىمدى كەرى بايلانىس جانە قالا تۇرعىندارىنا الەۋمەتتىك كومەك كورسەتۋ ءۇشىن ءبىر جىلدان استام ۋاقىت بويى "جانۇيا" وتباسىن قولداۋ ورتالىعى جۇمىس ىستەيدى. وسى ۋاقىت ىشىندە ورتالىق 57 مىڭنان استام ماسەلە قاراستىردى.
