توتەنشە جاعداي رەجيمى مەن كارانتيندىك شەكتەۋ شارالارى كەزىندە تابىسىن تولىق جوعالتقان جۇمىس ىستەيتىن ازاماتتار مەملەكەتتىك قولداۋدىڭ بۇل تۇرىنە يە بولدى. ولاردىڭ ىشىندە:
- جالاقىسى ساقتالمايتىن دەمالىستا جۇرگەن قىزمەتكەرلەر;
- جەكە كاسىپكەرلەر;
- جەكە پراكتيكامەن اينالىساتىن ادامدار;
- نىساناسى جۇمىستاردى ورىنداۋ (قىزمەتتەر كورسەتۋ) بولىپ تابىلاتىن ازاماتتىق-قۇقىقتىق سيپاتتاعى شارتتار بويىنشا تابىس تاباتىن جەكە تۇلعالار;
- بىرىڭعاي جيىنتىق تولەمدى تولەۋشىلەر بولىپ تابىلاتىن جەكە تۇلعالار بار.
توتەنشە جاعداي رەجيمىنىڭ ارەكەت ەتۋ كەزەڭىندە (2020 جىلعى 16 ناۋرىزدان 11 مامىرعا دەيىن) 322 ملرد تەڭگە سوماسىندا 4,6 ملن ادامعا, ال كارانتيندىك شەكتەۋ شارالارى قولدانىلعان كەزدە (2020 جىلعى 5 شىلدەدەن 17 تامىزعا دەيىن) 153,2 ملرد تەڭگە سوماسىندا 2,4 ملن ادامعا الەۋمەتتىك تولەم تاعايىندالدى.
كارانتيندىك شەكتەۋ شارالارىنىڭ قولدانىلۋ كەزەڭىنە ماسق-تان الەۋمەتتىك تولەم تاعايىنداۋعا ءوتىنىش اعىمداعى جىلعى 1 قىركۇيەككە دەيىن قابىلداندى. ونى تاعايىنداۋدان باس تارتىلعان جاعدايدا 2020 جىلعى 1 جەلتوقسانعا دەيىن شاعىمدانۋعا بولادى.
وسىلايشا, قازىرگى ۋاقىتتا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگى مەن مەملەكەتتىك الەۋمەتتىك ساقتاندىرۋ قورى وسى الەۋمەتتىك تولەمدى تاعايىنداۋ تۋرالى ازاماتتاردىڭ وتىنىشتەرىن قايتا قاراۋ بويىنشا جۇمىستى جالعاستىرۋدا.
