ەكولوگيا • 10 قىركۇيەك، 2020

20 مىڭ گەكتارعا جۋىق سۋارمالى جەر اينالىمعا ەنگىزىلەدى

24 رەت كورسەتىلدى

الماتى وبلىسىندا يسلام دامۋ بانكىنىڭ قاراجاتى ەسەبىنەن يرريگاتسيالىق جەلىلەردى قايتا قۇرۋ، 10 سۋ نىساندارىن كۇردەلى جوندەۋ ناتيجەسىندە جىل سوڭىنا دەيىن 20 مىڭ گەكتارعا جۋىق سۋارمالى جەردى قالپىنا كەلتىرۋ جوسپارلانىپ وتىر، دەپ حابارلايدى Egemen.kz الماتى وبلىسىنىڭ ءباسپاسوز قىزمەتىنە سىلتەمە جاساپ.

جالپى، وبلىستىڭ 16 اۋدانىندا جوبالاردى جۇزەگە اسىرۋ، 137،8 مىڭ گەكتار سۋارمالى جەردى قالپىنا كەلتىرۋ جوسپارلانعان.

وبلىستىق اۋىل شارۋاشىلىعى باسقارماسىنىڭ مالىمەتتەرى بويىنشا، وبلىستا 214 گيدروتەحنيكالىق قۇرىلىس بار. ونىڭ 75-ءى سۋ قويماسى، 85-ءى توعان، 21-ءى سۋ قويماسىنىڭ بوگەتى بولسا، 33-ءى سۋ قابىلدايتىن سۋ شارۋاشىلىعى. بارلىق يرريگاتسيالىق جەلىلەردىڭ ۇزىندىعى 16،5 مىڭ شاقىرىمدى قۇرايدى.

2015 جىلدان 2019 جىلعا دەيىن 33 سۋ نىسانىن جوندەۋ-قالپىنا كەلتىرۋ جۇمىستارىنا جەرگىلىكتى بيۋدجەتتەن 4،7 ميلليارد تەڭگە ءبولىندى. جوندەۋ جۇمىستارىنىڭ ناتيجەسىندە 19،3 مىڭ گەكتار سۋارمالى جەر قالپىنا كەلتىرىلدى. 2019 جىلدان باستاپ وبلىستا يسلام دامۋ بانكىنىڭ قاراجاتى ەسەبىنەن اقسۋ، الاكول، ەسكەلدى، كوكسۋ اۋداندارىنداعى يرريگاتسيالىق جەلىلەردى قايتا قۇرۋ بويىنشا نەگىزگى جوبالار جۇزەگە اسىرىلۋدا. جىل سوڭىنا دەيىن يسلام دامۋ بانكىنىڭ قاراجاتى ەسەبىنەن قايتا قۇرۋ ءۇشىن 10 سۋ نىسانىن كۇردەلى جوندەۋ ناتيجەسىندە 20 مىڭ گەكتارعا جۋىق سۋارمالى جەردى قالپىنا كەلتىرۋ جوسپارلانىپ وتىر. جالپى، وبلىستىڭ 16 اۋدانىندا جوبالاردى جۇزەگە اسىرۋ جانە 137،8 مىڭ گەكتار سۋارمالى جەردى قالپىنا كەلتىرۋ جوسپارلانعان.

وبلىستا 81،8 مىڭ گەكتار اۋدانى بار جاڭا سۋارمالى جەرلەردى اينالىمعا ەنگىزۋ ماقساتىندا سۋارۋ جەلىلەرىن قايتا جاڭارتۋ، قايتا سالۋ، اپاتتى سۋ قويمالارى مەن توعاندارىن قالپىنا كەلتىرۋ جوسپارلانعان. بيىل جۇمىسپەن قامتۋدىڭ جول كارتاسى باعدارلاماسى اياسىندا جۇزەگە اسىرىلعان ينفراقۇرىلىمدىق جوبالاردىڭ تىزىمىنە ءۇش گيدروتەحنيكالىق قۇرىلىستىڭ جوباسى ۇسىنىلدى. اتاپ ايتار بولساق، كوكسۋ، قاراتال بوگەتتەرى مەن پانفيلوۆ اۋدانىنىڭ وسەك گيدروقۇرىلىمىن، 2 مىڭ گەكتاردان استام سۋارمالى جەردى قالپىنا كەلتىرۋگە مۇمكىندىك بەرەتىن تالدىقورعان قالاسىنىڭ يرريگاتسيالىق جەلىلەردىڭ قۇرىلىس جوباسىنا 3 مىڭ 662 ميلليون تەڭگە ءبولىندى. قازىرگى ۋاقىتتا قۇرىلىس-مونتاج جۇمىستارى جۇرگىزىلۋدە. سونىمەن قاتار، پۋيد-2 جوباسى شەڭبەرىندە 12،4 مىڭ گەكتار القاپتا ينجەنەرلىك-درەناجدىق جۇيەنى قالپىنا كەلتىرۋ كوزدەلۋدە. بۇل بالقاش اۋدانىندا 7 مىڭ 481 گەكتار اۋدانى بار اقدالا سۋارمالى ءماسسيۆى مەن ەڭبەكشىقازاق اۋدانىندا 5 مىڭ گەكتار اۋدانىنداعى بالتاباي ءماسسيۆى.

بۇگىندە اقسۋ اۋدانىنداعى قىزىلاعاش سۋ قويماسىن 5،9 ميلليارد تەڭگەگە قالپىنا كەلتىرۋ بويىنشا جۇمىس اياقتالدى. توقتاتىلعان ءماسسيۆتىڭ اۋماعىن 6 مىڭ 900 گەكتارعا دەيىن ارتتىرۋ ءۇشىن جالپى سۋارۋ جەلىلەرىن سالۋعا جوبالىق-سمەتالىق قۇجاتتاما ازىرلەندى. سونىمەن قاتار، سارقان اۋدانىنا قاراستى  پوكاتيلوۆسكي سۋ قويماسى قۇرىلىسىنىڭ تەحنيكالىق-ەكونوميكالىق نەگىزدەمەسى ازىرلەندى. ال ۇيعىر اۋدانىنداعى سۇڭقار جانە تەگەرمەن سۋ قويمالارىنىڭ تەحنيكالىق-ەكونوميكالىق نەگىزدەمەسى جاسالۋدا.

سوڭعى جاڭالىقتار

ءالتىنساريننىڭ ادامي بولمىسى

رۋحانيات • بۇگىن، 00:01

ۋاقىت جاراتقان ۇلى جىر

ادەبيەت • كەشە

ۇقساس جاڭالىقتار