زەرتحانالىق زەرتتەۋلەر ناتيجەسىندە ۇلتتىق ساراپتاما ورتالىعىنىڭ ماماندارى 219 ازىق-ت ۇلىك سىناماسىندا تاڭبالاۋ بويىنشا بۇزۋشىلىقتاردى انىقتادى. ونىمدەردە قۇرامى, جارامدىلىق مەرزىمى, ءوندىرۋشى جانە ساقتاۋ شارتتارى تۋرالى اقپارات كورسەتىلمەگەن. سايكەس كەلمەيتىن سىنامالاردىڭ ەڭ كوپ سانى كونديتەرلىك جانە نان-توقاش ونىمدەرىندە بولدى. بارلىعى – 43. اتاپ ايتقاندا, «مونەتكي» كامپيتتەرى, «بايان-سۇلۋ» كامپيتتەرى, «مير كەكسوۆ» بيسكۆيتتى تورتى, «Mummy’ s cake», «مۋراۆەينيك» ءتاتتى نانى, «دالماتوۆو» كەپتىرىلگەن ءۆانيلى, «اسسورتي» فرانتسۋزشا قاباتتالعان توقاشتارى, كوكجيدەك قوسىلعان بەلەۆسكايا پاستيلاسى, «Samelle» پاحلاۆاسى, پريانيكتەر, س ۇلى پەچەنەسى, جەرجاڭعاق قوسىلعان كەكس, «بال شىرىن» بال قوسىلعان ءبالىشى, «تيموشا» كوزيناكتارى, شوكولاد ءدامى بار سيروپ, «Love is» ساعىزى, شاينايتىن كامپيتتەر, «سrunchy» جيدەكتى ءميۋسليى, بال, قانت تالاپقا ساي كەلمەي شىقتى. بۇل ونىمدەر قازاقستاندا, رەسەيدە, فرانتسيادا جانە تۇركيادا وندىرىلگەن.
جەمىس-كوكونىس ونىمدەرىنىڭ 33 سىناماسىندا تاڭبالاۋعا قويىلاتىن تالاپتاردىڭ بۇزىلعانى انىقتالدى: «Olevi» تاڭقۋرايدان جاسالعان توسابى, ساڭىراۋقۇلاق قوسىلعان اشىتىلعان قىرىققاباتى, مارينادتالعان جاسىل بۇرىش, تابيعي لەچو, «لازدجان» اششى دامدەۋىشى, «تكەمالي ودا» سوۋسى, «Baruto» مارينادتالعان ءزىمبىرى, قۇرما, «Kuhne» كىلەگەيلى جەلكەگى, «La Molisana» كارتوپ تۇشپاراسى, كونسەرۆىلەنگەن زايتۇندەر, «Pelati» تازارتىلعان تۇتاس قىزاناقتارى, «Olevi» قۇلپىناي دجەمى, مۇزداتىلعان كوكونىستەر, «Aroy-D» كوكوس كرەمى, «جيان سيفۋ» بۇرىشتى سوۋسى, «ماش-ماش» قۇرماسى, «Elite dates», «Kuhne smoked Pepper BBQ» ىستالعان بۇرىش قوسىلعان قىزاناق باربەكيۋ سوۋسى. ءوندىرۋشى ەلدەر: قازاقستان, رەسەي, قىتاي, يران, يتاليا, گەرمانيا, تايلاند.
مونيتورينگ ناتيجەلەرى كورسەتكەندەي, 25 سايكەس كەلمەيتىن سىناما بالىق كونسەرۆىلەرىنەن تابىلدى. ماسەلەن, «مورسكايا دەرجاۆا» ىستالعان كيلكادان جاسالعان شپروت پاشتەتى جانە «شتۋرۆال» مايىنداعى بالتىق كيلكاسىنان (ۇشادان) جاسالعان شپروت, «شتۋرۆال» مايىنان جاسالعان شپروت, «شتۋرۆال» تومات تۇزدىعىنداعى كيلكا, مايشاباق فيلەسى, بالتىق كيلكاسىنان جاسالعان مايلى مايشاباق, «دوبروفلوت» تەڭىز قىرىققاباتىنان جاسالعان سالات. بۇل ونىمدەردى رەسەي مەن قازاقستان وندىرگەن.
سونىمەن قاتار ويىنشىقتاردىڭ 112 ۇلگىسىندە تاڭبالاۋ بويىنشا سايكەسسىزدىكتەر انىقتالدى. كوبىنەسە تۇتىنۋشىلار ويىنشىقتىڭ اتاۋىن, ءوندىرۋشى ەل, ءوندىرىس ورنى, يمپورتتاۋشى, ماقساتى, ماتەريالدىڭ قۇرامى, شىعارىلعان كۇنى تۋرالى بىلە المايدى. مەملەكەتتىك جانە ورىس تىلدەرىندە تاڭبالاۋ جوق.
الماتى قالاسى بويىنشا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى تەحنيكالىق رەگلامەنتتەر تالاپتارىنىڭ سايكەسسىزدىگى انىقتالعان جاعدايدا بارلىق جەكە كاسىپكەرلەرگە قازاقستان رەسپۋبليكاسىنىڭ حالىقتىڭ سانيتارلىق-ەپيدەميالىق سالاۋاتتىلىعى سالاسىنداعى زاڭناماسى تالاپتارىنىڭ بۇزىلۋىن جويۋ تۋرالى نۇسقاما بەردى.
ۇلتتىق ساراپتاما ورتالىعىنىڭ ماماندارى قازاقستاندىقتاردى تاماق ونىمدەرى مەن ويىنشىقتاردى تاڭداۋدا مۇقيات بولۋعا شاقىرادى. ەڭ الدىمەن, ءونىمدى تاڭبالاۋعا, ونىڭ قاپتاماسىنا, ساقتاۋ شارتتارى مەن جارامدىلىق مەرزىمىنە نازار اۋدارۋ كەرەك.
