رومان سكليار مەن اتىراۋ وبلىسىنىڭ اكىمى "اقتوبە-اتىراۋ-رف شەكاراسى" اۆتوموبيل جولىن قايتا جاڭارتۋ ۋچاسكەلەرىنە بارىپ, جاۋاپتى مەملەكەتتىك ورگانداردىڭ باسشىلارىنىڭ قاتىسۋىمەن شۇعىل كەڭەس وتكىزدى. مەردىگەر ۇيىمدار تۇراقتى جۇمىسپەن قامتاماسىز ەتۋ جونىندەگى شارالار, الداعى كەزەڭگە ارنالعان جوسپارلارى تۋرالى باياندادى.
جولدىڭ جالپى ۇزاقتىعى 893 شاقىرىمدى قۇرايدى, ونىڭ ىشىندە اتىراۋ وبلىسىنىڭ اۋماعى ارقىلى 545 شاقىرىم جول وتەدى. پرەمەر-ءمينيستردىڭ ورىنباسارى قۇرىلىس جۇمىستارىن ۋاقىتىلى ءارى ساپالى اياقتاۋ مىندەتىن قويدى. وبلىسقا ساپارى بارىسىندا ر. سكليار تۇرعىن ءۇي قۇرىلىسىنىڭ بارىسىمەن تانىستى. تۇرعىن ءۇيدىڭ قولجەتىمدىلىگىن جاقسارتۋ ماقساتىندا اعىمداعى جىلى مۇندا 800 مىڭ شارشى مەتر تۇرعىن ءۇيدى پايدالانۋعا بەرۋ جوسپارلانۋدا.
حالىقتى تۇرعىن ۇيمەن قامتاماسىز ەتۋ "7-20-25", "5-10-20" مەملەكەتتىك باعدارلامالارى ارقىلى ىسكە اسىرىلادى. سونداي-اق ر. سكليار مەن ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ بالىق شارۋاشىلىعى كاسىپورىندارىنا باردى. مىسالى, جايىق-اتىراۋ بەكىرە بالىق ءوسىرۋ زاۋىتىندا ۇكىمەت دەلەگاتسياسى بەكىرە بالىقتارىن ساقتاۋ جانە بالىق ءوسىرۋدى قالپىنا كەلتىرۋ بويىنشا جۇمىستارمەن تانىستى. مۇندا جىل سايىن جايىق وزەنىنە بەكىرە تۇقىمداس بالىقتاردىڭ 3,5 ملن شاباعى شىعارىلادى. دەلەگاتسيا "امانگەلدى" اتىنداعى جشس تسەحىندا بولدى, وندا تاۋلىگىنە 395 توننا بالىق قايتا وڭدەلەدى جانە ء"ساѕرىاn Royal Fish" جشس بەكىرە بالىق ءوسىرۋ زاۋىتىنا باردى, ونىڭ جوبالىق قۋاتى جىلىنا 100 توننا تاۋارلىق بالىق ءوندىرىسىن قۇرايتىن بولادى. ۇكىمەت دەلەگاتسياسى تەز سالىناتىن قۇرىلىس تەحنولوگياسى بويىنشا مودۋلدىك بلوكتاردان تۇرعىزىلاتىن 200 توسەك-ورىنعا ارنالعان جاڭا جۇقپالى اۋرۋلار اۋرۋحاناسىنىڭ قۇرىلىسىن تەكسەردى.
عيماراتتى ناۋقاستاردى دياگنوستيكالاۋ, ەمدەۋ, مەديتسينالىق قىزمەتكەرلەر مەن پاتسيەنتتەردىڭ قاۋىپسىزدىگىن قامتاماسىز ەتۋ ءۇشىن زاماناۋي جابدىقتارمەن جاراقتاندىرۋ جوسپارلانۋدا. ساپار قورىتىندىسى بويىنشا رومان سكليار قۇرىلىس جۇمىستارىنىڭ قارقىنىن كۇشەيتۋدى تاپسىردى جانە حالىق ءۇشىن ىسكە اسىرىلىپ جاتقان ينفراقۇرىلىمدىق جوبالاردىڭ ساپاسىن قامتاماسىز ەتۋدىڭ ماڭىزدىلىعىن اتاپ ءوتتى.
