ايماقتار • 08 قىركۇيەك، 2020

سىر ەلىندە ەگىن جيناۋ ناۋقانى قارقىندا جۇرۋدە

39 رەت كورسەتىلدى

بيىل وبلىس بويىنشا 184،2 مىڭ گەكتارعا اۋىل شارۋاشىلىعى داقىلدارى ورنالاستىرىلدى، دەپ حابارلايدى Egemen.kz قىزىلوردا وبلىسى اكىمىنىڭ ءباسپاسوز قىزمەتىنە سىلتەمە جاساپ.

وبلىستا ەگىستى ءارتاراپتاندىرۋ باعىتىندا العاش رەت پەرسپەكتيۆالى داقىلدار قانت قۇمايى 70 گەكتارعا، سويا 240 گەكتارعا، جۇگەرى داقىلى 1 667 گەكتارعا دەيىن جەتكىزىلىپ، ىلعال ساقتاعىشاكۆاگەلدەردى پايدالانۋ ارقىلى 80 گەكتار بوگارلى جەرلەرگە كۇزدىك بيداي داقىلى ەگىلدى.

جالپى ەگىلگەن اۋىل شارۋاشىلىعى داقىلدارىنان جوعارى ءونىم الۋ ماقساتىندا59،8 مىڭ توننا مينەرالدىق تىڭايتقىشتار،74،6 مىڭ ليتر گەربيتسيدتەر ساتىپ الىنىپ، كۇرىش ەگىستىكتەرىنىڭ 65،6 مىڭ گەكتارى ارام-شوپتەرىنە قارسى وڭدەلىپ، 67،5 مىڭ گەكتارى تىڭايتقىشتارمەن تولىق قورەكتەندىرىلدى.

قازىر كۇرىشتەن باسقا ەرتە ەگىلەتىن ءداندى داقىلدار تولىعىمەن جينالىپ، مايلى جانە مال ازىقتىق داقىلدارى مەن كارتوپ، كوكونىس، باقشا داقىلدارىن جيناۋ جۇمىستارى جۇرگىزىلۋدە.

ەگىن جيناۋ جۇمىستارىنا قاتىساتىن تەحنيكالار تولىق دايىن. ەگىن جيناۋعا 1640 دانا تراكتور، 843 دانا كومباين، 458 دانا جاتكا، 308 دانا جۇك كولىگى جانە 764 دانا تراكتور تىركەمەسى قاتىسۋدا.

كۇزگى ەگىن جيناۋ جانە دالا جۇمىستارىن جۇرگىزۋ ءۇشىن 12،5 مىڭ توننا ارزانداتىلعان ديزەل وتىنى ءبولىندى. وپەراتورلار ديزەل وتىنىنىڭ ءار ءليترىن 165 تەڭگەدەن جەتكىزۋدە.

بۇگىندە كۇرىش تاناپتارىنان سۋ تارتۋدىڭ بەكىتىلگەن كەستەسىنە سايكەس 89،4 مىڭ گەكتار نەمەسە جالپى كۇرىش ەگىسىنىڭ 99،8 پايىزىنىڭ سۋى بايلاندى.

وبلىستا كۇرىشكە وراق سالۋ جۇمىستارى 22 تامىزدان باستالدى. بۇگىنگى كۇنى 9766 گەكتار كۇرىشكە وراق سالىندى. ءار گەكتارىنان ورتاشا 45،6 تسەنتنەردەن ءونىم الىنۋدا.

جالپى مامانداردىڭ بولجامىنا سايكەس، بيىلعى جىلى جينالاتىن ءونىم وتكەن جىلعى كولەمنەن كەم بولمايدى.
ەگىن جيناۋ جۇمىستارىن 15 قازاننان كەشىكتىرمەي تولىق اياقتاۋ كوزدەلىپ وتىر.

سوڭعى جاڭالىقتار

جان جادىراتار تەبىرەنىس

ايماقتار • كەشە

كەدەن قويمالارى دايىن با؟

قازاقستان • كەشە

ۇقساس جاڭالىقتار