قاسكويدىڭ بۇل ارەكەتىنەن ءار ءوڭىردىڭ تۇرعىندارى اجەپتاۋىر زارداپ شەككەن ەكەن. ولاردىڭ اراسىندا ءۇش پەتروپاۆلدىق تا بار. جىمىسقى ويىن ىسكە اسىرماقشى بولعان الاياق ەسكى ۇيلەردىڭ يەلەرىمەن بايلانىسقا شىعىپ, ولارعا جاڭا سالىنىپ جاتقان ۇيلەردەن پاتەر الىپ بەرۋگە كومەكتەسپەكشى بولعان.
ول ءۇشىن باستاپقى جارنا سالۋ جانە "قولۇشىن بەرگەنىنە" ازداعان سوما تولەۋ قاجەتتىگىن ايتقان. جالعان ۋادەگە الدانعاندار الاياققا اقشا اۋدارعان. ءسويتىپ پەتروپاۆلدىق تۇرعىنعا كەلتىرىلگەن شىعىننىڭ سوماسى بەس ميلليون تەڭگەگە جۋىقتادى.
الاياقتى ەلوردالىق پوليتسەيلەر ۇستادى. ول نۇر-سۇلتان قالاسىنىڭ 1986 جىلى تۋعان تۇرعىنى بولىپ شىقتى.
– قازىرگى ۋاقىتتا الاياقتار زاماناۋي تەحنولوگياعا سۇيەنە وتىرىپ, ينتەرنەتتتى جانە ءوز قۇرباندارىنىڭ شوتىنا قاشىقتان قولجەتكىزۋ مۇمكىندىگىن پايدالانادى, – دەيدى سقو پد كريمينالدىق پوليتسيا باسقارماسىنىڭ باستىعى پ.كليموۆ.
سونىمەن قاتار, الاياقتار بەرتىنگە دەيىن كەلە جاتقان الداۋ تاسىلدەرىن قولدانۋدا. ولاردىڭ اراسىندا تۇرعىن ءۇي اۋماعىن ءتيىمدى ساتۋ-ساتىپ الۋ, قاجەتتى قۇجاتتاردى جاساۋعا "كومەكتەسۋگە" نەمەسە اقشانى اينالىمعا جىبەرۋگە ۋادە بەرۋ – الاياقتار ءوز قۇرباندارىنىڭ سەنىمىنە كىرىپ, قىزمەت الۋدى تەزدەتۋ ءۇشىن اقشا تالاپ ەتەدى. پوليتسيا وكىلدەرى ادامداردى اسا ساق بولۋعا, كۇماندى ۇسىنىستارعا سەنبەۋگە, بوگدە تۇلعالاردىڭ ولارعا اقشا اۋدارۋى تۋرالى اقپاراتتى مۇقيات تەكسەرۋگە شاقىرادى. سقو پوليتسەيلەرى جىل باسىنان بەرى بارلىعى 189 الاياقتىقتى اشتى.
