– 2020 جىلدىڭ قاڭتار-شىلدە ايلارىندا جاڭا سويىلعان نەمەسە سالقىنداتىلعان قۇس ەتىن ءوندىرۋ كولەمى 60,5 تونناعا ءوستى. بۇل وتكەن جىلعى كورسەتكىشپەن سالىستىرعاندا 26,2 پايىزعا جوعارى. قاتىرىلعان قۇس ەتىنىڭ ءوندىرىسى دە التى ايدا 8,9 پايىزعا ۇلعايىپ, 66,5 مىڭ تونناعا جەتتى, – دەيدى energyprom.kz.
قۇس ەتىن وندىرۋدەن رەسپۋبليكا بويىنشا الماتى, اقمولا جانە شىعىس قازاقستان وبلىستارى كوش باستاپ تۇر. الماتى وبلىسىنداعى – «كازروس-برويلەر» اق, اقمولا وبلىسىنداعى – «ماكينسك قۇس فابريكاسى» جشس جانە شىعىس قازاقستان وبلىسىنداعى – «ايتاس-مپ» جشس-نا قاراستى كاسىپورىندار ەلىمىزدەگى ەڭ ءىرى وندىرۋشىلەردىڭ قاتارىنا جاتاتىنىن ايتا كەتۋ كەرەك. اقمولا وبلىسىنداعى «Capital Projects LTD» جشس دا قۇس ەتى مەن جۇمىرتقا وندىرىسىندەگى ءىرى ەكسپورتتاۋشىلاردىڭ ساناتىندا.
«ماكينسك قۇس فابريكاسى» جشس جىلىنا 25 مىڭ توننا قۇس ەتىن وندىرەتىن اۋقىمدى كەشەن. جىل سوڭىنا دەيىن كاسىپورىننىڭ 2-ءشى كەزەڭى ىسكە قوسىلسا, ءوندىرىس ەكى ەسە ۇلعايۋعا ءتيىس. بۇل دا يمپورت كولەمىن ازايتىپ, ىشكى نارىقتى ءوز ونىمىمىزبەن قامتۋعا ىقپال ەتەدى.
جالپى, بيىل رەسپۋبليكا بويىنشا جوعارىدا ايتىلعاندارعا قوسىمشا تاعى 8 قۇس فابريكاسى اشىلۋعا ءتيىس بولاتىن. جىل باسىنان بەرى تۇركىستان وبلىسىنداعى «شىمكەنت قۇس» پەن قوستانايداعى «كازاگروس» كەشەنى اشىلدى. قالعان التاۋى كەزەك كۇتىپ تۇر.
بىلتىر التى ايدا وندىرىلگەن ءونىمنىڭ 4,5 پايىزى, ياعني 5,2 مىڭ توننا ءونىم سىرتقى نارىققا شىعارىلسا, بيىل بۇل كورسەتكىش 2,8 پايىزعا تومەندەگەنى بايقالادى.
ەnergyprom.kz حابارلاعانداي, تامىز ايىندا ەلىمىزدەگى دۇكەن سورەلەرىندە تاۋىق ەتىنىڭ كيلوسى ورتاشا 928 تەڭگەدەن ساتىلىپتى. بۇل بىلتىرعى باعادان 4,6 پايىزعا جوعارى. قۇس ەتىنىڭ, جالپى ەت باعاسىنىڭ قىمباتتىعى بويىنشا اقتاۋ قالاسى كوش باستاپ تۇر. ال ەڭ تومەنگى باعا قوستانايدا تىركەلدى.
