رۋحاني-مادەني ورتالىعىنداعى 4 نىساننىڭ دا قۇرىلىس جۇمىستارى اياقتالۋعا جاقىن. دراما تەاتردا بۇگىنگى تاڭدا سىرتقى جانە ىشكى ارلەۋ, ينجەنەرلىك جەلىلەرىن مونتاجداۋ جۇمىستارى جۇرگىزىلۋدە. قۇرىلىس جۇمىستارىنا 150 ادام جۇمىلدىرىلعان. مادەني وشاقتىڭ جيھازدارى جاساقتالىپ, زاماناۋي تەاترلىق قۇرالدارى ورناتىلادى.
ال, ۇلى دالا ەلى ورتالىعى مەن ق.ا.ياسساۋي مۇراجايىندا سىرتقى قاس بەتىن قاپتاۋ, ينجەنەرلىك جۇيەلەر, ىشكى ارلەۋ جۇمىستارى جۇرگىزىلۋدە. سونداي-اق, عىلىمي-امبەباپ كىتاپحاناسىندا سىرتقى رامالارىن ورناتۋ, تەمىر كونسترۋكتسياسىن مونتاجداۋ جانە بەتونداۋ جۇمىستارى, ۆيتراجدار ورناتۋ مەن ىشكى ارلەۋ جۇمىستارى جۇرگىزىلۋدە. مۇندا 50 ادام جۇمىسپەن قامتىلىپ وتىر.
ءوڭىر باسشىسى ومىرزاق شوكەەۆ قۇرىلىس باسىندا جاۋاپتى باسشىلارعا جۇمىستى كەستەگە ساي اياقتاپ, عيماراتتاردى تەزدەتىپ پايدالانۋعا بەرۋدى تاپسىردى. جالپى, تۇركىستان وبلىسى بويىنشا قۇرىلىس جۇمىستارىنا 9000-نان استام ادام جۇمىلدىرىلعان. قۇرىلىس الاڭىنا اينالعان تۇركىستان قالاسىندا 4000-نان استام قۇرىلىسشى ەڭبەكتەنۋدە. جۇمىسشىلاردىڭ بارلىق ەڭبەك جاعدايى مەن ساقتىق شارالارى قاتاڭ قاداعالانعان.
