ء"بىز وتكەنىمىزدى وشىرمەي, كەلەشەككە سەنىممەن قادام جاساۋ ءۇشىن كەيىنگى بۋىنعا ءتالىم الارلىق ونەگەلى ىستەرىمىزدى, ەلدىڭ بىرلىگى مەن ىنتىماعى جولىندا ايانباي ەڭبەك ەتكەن ارداگەرلەرىمىزدىڭ ەسىمدەرىن ارداقتاپ, جاس ۇرپاققا ۇلگى ەتۋىمىز كەرەك. سەيىلبەك شاۋحامان ۇلى ەل ەكونوميكاسىنىڭ نىعايىپ, الەۋمەتتىك-ەكونوميكالىق رەفورمالاردى ناتيجەلى جۇزەگە اسىرۋعا اتسالىستى. مەملەكەت جانە قوعام قايراتكەرىنىڭ ەلگە جاساعان ەڭبەگى, قالتقىسىز قىزمەتى ۇمىتىلمايدى", - دەدى وبلىس اكىمى.
سالتاناتتى شارادا قر مەملەكەتتىك حاتشىسى قىرىمبەك كوشەرباەۆتىڭ قۇتتىقتاۋ حاتى وقىلدى. وبلىس اكىمى گۇلشارا ابدىقالىقوۆا جانە سەيىلبەك شاۋحامانوۆتىڭ جۇبايى جۇپاركۇل سماتوۆا قوعام قايراتكەرىنىڭ ءومىرى مەن قىزمەتىنە ارنالعان قوعامدىق مۋزەيمەن تانىستى.
قىزىلوردا قالاسىنداعى دارىندى بالالارعا ارنالعان №9 ء"بىلىم-يننوۆاتسيا" وبلىستىق ليتسەي-ينتەرناتتا اشىلعان ەسكەرتكىش-بيۋست اۆتورى قر سۋرەتشىلەر وداعىنىڭ مۇشەسى امانكەلدى كەنەنباەۆ. مەكتەپ ىشىنەن اشىلعان قوعامدىق مۋزەيدە مەملەكەت جانە قوعام قايراتكەرلەرىنىڭ توسبەلگىلەرى, قىزمەت بابىندا پايدالانعان زاتتارى جانە كىتاپتارى قويىلعان. مۋزەي 4 ەكسپوزيتسيالىق بولىمنەن تۇرادى.
