ءبىلىم • 01 قىركۇيەك، 2020

ونلاين vs وفلاين وقۋ جۇيەلەرىنىڭ قايسىسى وزىق؟

140 رەت كورسەتىلدى

پاندەمياعا بايلانىستى ەلىمىزدەگى وقۋشىلار ساباقتى قاشىقتان وقۋعا ءماجبۇر. مۇعالىممەن تىكەلەي بايلانىستا بول­ماعان­نان كەيىن ءبىلىمدى ايتارلىقتاي جەتىلدىرۋ وڭايعا سوقپاسى انىق.

بيىل جۇرگىزىلگەن زەرتتەۋگە ساي­كەس قازاقستان مەكتەپ ءبىلى­مى بو­­يىن­شا الەمدە 62-ورىندى يە­لە­نىپ­تى. قىتايدان جوعارى تۇر­ساق تا، قىر­عىزستاننان ءبىرشاما كە­يىن قا­­لىپ­­پىز. ال ەندى، قاشىقتان وقيتىن بولساق، وقۋشى­لار­دىڭ ءبى­لىم ساپاسى ايتارلىقتاي تو­مەن­­دە­يىن دەپ تۇر. وسى رەتتە وزگە ەل­دەر­دىڭ ازاماتتارى بۇل تۇرعىدا قان­­داي ويدا ەكەنىن زەردەلەگەن ەدىك.

جاقىندا New York Times گا­زە­تىندە حانس تاپاريا «بۇرىننان «حوببي» دەپ سانايتىن عالام­تور­لىق ءبىلىم پاندەمياعا قارسى كورو­ناۆيرۋستىڭ قارجىلىق كۇي­زە­لىستەرىنەن قۇتقاراتىن كۇمىس وق بولۋى مۇمكىن» دەپ جازدى. سونى­مەن قوسا Microsoft Corpo­ration كوم­پانياسىنىڭ نەگىزىن قا­لاۋ­­شىسى بيلل گەيتس جانە گۋ­بەر­­­ناتور ەندريۋ كۋومو «بىزدە تەح­نو­لو­گيالار بولعان كەزدە نەگە بۇل عيماراتتار قاجەت؟ سى­­نىپ­­تىڭ «ەسكى مودەلى» اياق­تال­دى. كوم­پيۋتەرمەن جانە نوۋتبۋكتارمەن ءبىلىم بەرۋدى الدىڭعى كەزەكتە قايتا ويلاستىراتىن كەز كەلدى»، دەپ باياندادى.

بۇل – مۇمكىن ءبىر جاعىنان ءتيىم­دى دە شىعار، بىراق ستۋدەنتتەر مەن وقۋشىلاردىڭ كوبىسىنىڭ كوڭىلىنەن شىعا بەرمەيتىن باعىت. ءيا، بۇل با­عىتتى ۇدايى ۇستانباسپىز. دە­گە­ن­مەن، ۋاقىتشا بىلىمگە بەي-جاي قاراۋعا بولمايدى. قازاقستان قاشىقتان وقىتۋ ساباقتارىنا  ماتەريال­دىق تۇرعىدان دا، مورال­دىق تۇرعىدان دا دايىن با؟ ءار وتباسى ءارتۇرلى. كەيبىرى بالا­لارىن قاشىقتان وقىتۋ ءۇشىن قا­جەتتى تەحني­كانى الىپ بەرە المايدى. سول سە­­بەپتى، مينيسترلىك 500 مىڭ­عا جۋىق كومپيۋتەردى اسا مۇق­تاج وتباسى­لارعا بەرۋدى كوز­دەدى. ازىرگە تەك 1 توقسان عانا قاشىقتان  رەجىم­دە وقىلاتىنى راستالدى. اتا-انا­لارعا دا، وقۋشىلارعا دا وڭاي­­لىققا تۇسپەيدى. دەگەنمەن ءبى­لىم الۋ ءۇشىن بارىنە دايىن بولۋى كەرەك.

 

ارۋجان اليەۆا،

الاتاۋ اۋدانى №152 مەكتەپ-گيمنازياسىنىڭ 11 ء«ا» سىنىپ وقۋشىسى

 

الماتى

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ۇقساس جاڭالىقتار