قوعام • 31 تامىز، 2020

ماۋلەن اشىمباەۆ: قازاق ەرتەدەن زاڭنىڭ ۇستەمدىگىن مويىنداعان حالىق

1030 رەت كورسەتىلدى

سەنات سپيكەرى ماۋلەن اشىمباەۆ QAZAQSTAN تەلەارناسىنا بەرگەن سۇحباتىندا قازاق ەرتەدەن زاڭنىڭ ۇستەمدىگىن مويىنداعان حالىق ەكەنىن ايتتى، - دەپ حابارلايدى Egemen.kz.

ۇلتتىق ارناعا بەرگەن سۇحباتىندا ماۋلەن اشىمباەۆ ۇلتتىق مۇددەگە سايكەس ساياساتتى جۇرگىزۋ ءۇشىن كونستيتۋتسيا كەرەكتى بارلىق قۇقىقتىق نەگىزدى قالىپتاستىرعانىن ايتتى. سونىمەن قاتار قازاق ەرتەدەن زاڭنىڭ ۇستەمدىگىن مويىنداعان حالىق دەگەن پىكىرىن ءبىلدىردى.

"قاسىم حاننىڭ قاسقا جولى، ەسىم حاننىڭ ەسكى جولى، تاۋكە حاننىڭ "جەتى جارعىسى" ۇلى دالادا زاڭنىڭ ۇستەمدىگى بولعانىن كورسەتەدى. سوندىقتان ءبىزدىڭ كونستيتۋتسيامىز ۇلتتىق ەرەكشەلىكتەرىمىزدىڭ نەگىزىندە ءبىزدىڭ ۇلتتىق مەنتاليتەتىمىزدى ەسكەرىپ، ۇلتتىق قۇندىلىقتارىمىزدىڭ نەگىزىندە جاسالعان قۇجات"، - دەدى ول.

ماۋلەن اشىمباەۆ كونستيتۋتسياعا ەنگىزىلگەن وزگەرىستەر تۋرالى دا ايتتى. سپيكەر قابىلدانعان وزگەرىستەرگە سايكەس پرەزيدەنتتىڭ كەيبىر وكىلەتتىلىكتەرى ۇكىمەتكە جانە پارلامەنتكە بەرىلگەنىن، پارلامەنت تاراپىنان ۇكىمەت جۇمىسىن باقىلاپ وتىرۋ تەتىكتەر قاراستىرىلعانىن جەتكىزدى.

تەلەارناعا بەرگەن سۇحباتىندا ماۋلەن اشىمباەۆ "وسى وزگەرىستەردىڭ اياسىندا سوڭعى ءبىر جىلدىڭ ىشىندە دەپۋتاتتاردىڭ ءوز باستاماسىمەن زاڭ دايىنداۋ پروتسەسىنىڭ كۇشەيىپ كەلە جاتقانىن كورىپ وتىرمىز. وسىدان بىرنەشە جىلدار بۇرىن ءماجىلىس نە سەنات دەپۋتاتتارى جىلىنا بىرنەشە زاڭعا عانا باستاماشى بولاتىن. قازىر ءبىراز زاڭدار دەپۋتاتتاردىڭ باستاماشىلدىعىمەن ءجۇرىپ جاتىر. دەپۋتاتتار كوپ وزەكتى ماسەلەلەردى كوتەرىپ، وزدەرى زاڭدار دايىنداۋدا. بۇل ءۇردىس رەتىندە قالىپتاسىپ كەلە جاتىر. دەپۋتاتتار وزدەرىنىڭ زاڭ شىعارۋشىلىق مۇمكىندىكتەرىن كەڭىنەن پايدالانۋدا"، - دەدى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار