كوماندالاردىڭ بارلىق ءۇش ەكيپاجىنىڭتراسسادان ءوتۋىنىڭ جالپى ۋاقىتىن ەسەپكە الا وتىرىپ, جارتىلاي فينالدىق جارىستا ونەر كورسەتەتىن تانكىشىلەر قۇرامى انىقتالدى. 1 قىركۇيەكتە ازەربايجان, بەلارۋس, قىتاي جانە سەربيانىڭ تانكيستەرى سىنعا تۇسەدى. ال 2 قىركۇيەكتە فينالعا شىعۋ ءۇشىن قازاقستان, قىرعىزستان, رەسەي جانە وزبەكستان كوماندالارى باق سىناسادى.
جارتىلاي فينالدا ەلدەن ءۇش ەكيپاج ونەر كورسەتەدى. ءار كوماندا بارلىق قاشىقتىقتى ءبىر تانكتە ءوتۋى كەرەك.ال ەكيپاجدار ەستافەتانى ەڭسەرە وتىرىپ, جاۋىنگەرلىك ماشينادا كەزەڭ-كەزەڭمەن ءبىر-ءبىرىن اۋىستىرادى. ءاربىر ەكيپاج ءۇش اتىس شەپتەرىمەن جانە 10 كەدەرگىلەرمەن جالپى ۇزىندىعى 16 شاقىرىمنان استام تراسسانىڭ 4 شەڭبەرىن ەڭسەرۋى ءتيىس.
جارتىلاي فينالدىق ەستافەتادا قاتىسۋشىلار كورسەتكەن قورىتىندى بويىنشا 5 قىركۇيەكتە ارميا حالىقارالىق ويىندارىنىڭ جابىلۋى كۇنى فينالدىق جارىستا جەڭىسكە جەتۋ ءۇشىن كۇرەسەتىن 4 ۇزدىك كوماندا انىقتالادى.
