تۇلكىباس اپب-نە جەرگىلىكتى تۇرعىن ارىزدانىپ كەلگەن. وندا كورسەتىلگەندەي, كەشكى ساعات 20:00 شاماسىندا اۋلاسىندا تۇرعان قۇنى 1,6 ميلليون تەڭگەنى تۇراتىن “نيۆا” ماركالى اۆتوكولىگىن ايداپ كەتكەن.
پوليتسيا قىزمەتكەرلەرى جەدەل-ىزدەستىرۋ شارالارى بارىسىندا اۆتوكولىكتى ايداپ كەتكەن كۇدىكتىنى انىقتاپ ۇستادى. ول جابىرلەنۋشىگە جالدانىپ جۇمىس جاسايتىن جەرگىلىكتى تۇرعىن بولىپ شىقتى. تەرگەۋ بارىسىندا انىقتالعانداي, كۇدىكتى ۇيدە ەشكىم جوقتىعىن پايدالانىپ, كولىكتى ايداپ كەتكەن. سودان تۇنگى مەزگىلدە اۋىلعا باراتىن جولداعى بۇرىلىستا اۋدارىلىپ, ماس حالدە جول كولىك وقيعاسىن جاساعان.
اتالعان جايت قر قك-ءنىڭ 200-بابى (اۆتوموبيلدi نەمەسە وزگە دە كولiك قۇرالىن جىمقىرۋ ماقساتىنسىز قۇقىققا سىيىمسىز يەلەنىپ الۋ) بويىنشا تىركەلىپ,تەرگەپ-تەكسەرۋ امالدارى جۇرگىزىلۋدە. باس شاراسى ەشقايدا كەتپەۋ تۋرالى قولحاتتا.
ءوز كەزەگىندە تۇركىستان وبلىسى پوليتسەيلەرى وسىنداي جاعداي ورىن الا قالسا, تەز ارادا پوليتسيانىڭ “102” تەلەفونىنا حابار بەرۋلەرىن سۇرايدى. بۇل ءوز كەزەگىندە قىلمىستىڭ تەز اشىلۋىنا ىقپال ەتەدى.
