ونلاين فورماتتا ۇيىمداستىرىلعان باسقوسۋعا تاريحشىلار, ساياساتكەرلەر مەن ازاماتتىق قوعام بەلسەندىلەرى قاتىسىپ, تاقىرىپ توڭىرەگىندە كەلەلى ويلارىمەن ءبولىستى. كونستيتۋتسيانىڭ ەل ومىرىندەگى ءمانى مەن ماڭىزى تۋراسىنداعى پايىمدى پىكىرلەرىن ءبىلدىردى.
"1993 جىلى قابىلدانعان قازاقستان رەسپۋبليكاسىنىڭ العاشقى اتا زاڭى ەگەمەندىك تاريحىنداعى دەموكراتياعا نەگىزدەلگەن قۇجات بولىپ تابىلدى. تاۋەلسىزدىكتىڭ ەلەڭ-الاڭ جىلدارىندا كوپشىلىكتىڭ تالقىسىنا ۇسىنىلىپ بارىپ قابىلدانعان بۇل قۇجات ەلباسىنىڭ اتاپ كورسەتكەن ماقساتى بويىنشا ءتورت باستى ماسەلەگە جاۋاپ بەرۋى ءتيىس ەدى. ونىڭ ءبىرىنشىسى – مەملەكەتتىك بيلىكتى باسقارۋدىڭ بارلىق جۇيەسىن نىعايتۋ, ەكىنشىسى – ەكونوميكالىق رەفورمانى جۇرگىزە وتىرىپ, ەلدى سول كەزدەگى داعدارىستان شىعارۋ, ءۇشىنشىسى – جاس مەملەكەتتىڭ سىرتقى ساياساتىن قالىپتاستىرۋ جانە ءتورتىنشىسى – ىشكى ساياسي تۇراقتىلىقتى قامتاماسىز ەتۋ. شيرەك عاسىر بويى ەل كونستيتۋتسياسى بۇل مىندەتتەردى ورىنداپ كەلە جاتقانىنا بۇگىندە كۋا بولىپ وتىرمىز", – دەدى قىزدار ۋنيۆەرسيتەتىنىڭ الەۋمەتتىك دامۋ جونىندەگى پرورەكتورى جاڭاگۇل سۇلتانوۆا جيىننىڭ اشىلۋىندا.
باسقوسۋدا ءسوز العاندار قازاق ەلىنىڭ اتا زاڭى ۋاقىت سىنىنان سۇرىنبەي ءوتىپ, تاريحي دامۋىمىزدىڭ جالپىۇلتتىق باعدارىن ايقىنداۋدا باستى مانگە يە بولىپ وتىرعانىن اتاپ ءوتتى.
"كونستيتۋتسيا مەملەكەتتىلىگىمىزدىڭ بەرىك ىرگەتاسىن قالاي وتىرىپ, ىشكى ساياسي تۇراقتىلىقتى قامتاماسىز ەتۋگە جانە قازاقستان قوعامىن بىرىكتىرۋگە زور ۇلەس قوستى. وسى جىلدار ارالىعىندا ول ۇلتارالىق تاتۋلىقتىڭ التىن دىڭگەگىنە اينالدى. بۇكىل حالىقتىڭ يگىلىگىن كوزدەيتىن اتا زاڭ قوعام مەن بيلىكتىڭ تۇراقتىلىعىن قامتاماسىز ەتىپ قانا قويماي, قازاقستاننىڭ الەم تانىعان مەملەكەتكە اينالۋىنا وڭ ىقپال ەتتى. ەلىمىز – زايىرلى مەملەكەت. ايقارا اشىلعان قۇشاعىنا, كەڭ قولتىعىنا سان تاعدىرلى مىڭداعان ۇلتتى بىرىكتىرىپ جاتىر. «بەرەكە باستاۋ بىرلىك, ەل ءىشى تاتۋ تىرلىك» دەمەكشى, ەل باسىنا كۇن تۋىپ, ەر ەتىگىمەن سۋ كەشكەن قيىن-قىستاۋ زامانداردا كيىز تۋىرلىقتى قازاق ۇلتىن ۇلت رەتىندە ساقتاپ قالعان بىرلىگى مەن ىنتىماعى دەسەك, ارتىق ايتقانىمىز ەمەس", – دەدى جيىنعا قاتىسۋشىلار.
