ەسىل اۋدانىنداعى ەكى مەيرامحانا مەن ءبىر تۇنگى كلۋب كارانتين كەزەڭىندە بەلگىلەنگەن جۇمىس كەستەسىن بۇزدى. اۋداندىق پوليتسيا وكىلدەرىنىڭ ايتۋىنشا, 28 تامىزدا جۇما كۇنى ءموبيلدى توپتىڭ رەيدى كەزىندە "مەتيس" جانە "شورديچ" مەيرامحانالارى, "اۋرا" تۇنگى كلۋبى كەلۋشىلەردى 23:00-دەن كەيىن قابىلداعانى انىقتالعان.
ء"بىز كوپشىلىككە ارنالعان ورىنداردىڭ كارانتين رەجىمىن بۇزۋى بويىنشا نۇر-سۇلتان قالاسىنىڭ ەرىكتىلەرىمەن بىرگە رەيدتىك ءىس-شارا وتكىزىپ جاتىرمىز. مىسالى, كارانتين تالاپتارىن بۇزعان - تۇران, 2 كوشەسىندە ورنالاسقان "الانيا" ("اۋرا") كاراوكە-تۇنگى كلۋبى. مەنشىك يەسى 425 باپ بويىنشا بىرنەشە رەت اكىمشىلىك جاۋاپكەرشىلىككە تارتىلدى. باقىلاۋ تەكسەرىسى كەزىندە تاعى ءبىر فاكت انىقتالدى", دەدى مەيىربان وتەپ, ەسىل اۋداندىق پوليتسيا ءبولىمىنىڭ ۋچاسكەلىك ينسپەكتورى.
وسى ويىن-ساۋىق مەكەمەلەرىنىڭ يەلەرىنە قاتىستى جينالعان ماتەريالدى پروتسەسسۋالدىق شەشىم قابىلداۋ ءۇشىن تاۋارلاردىڭ ساپاسىن باقىلاۋ جانە قاۋىپسىزدىگى بولىمىنە جىبەرۋ جوسپارلانعان.
باس سانيتار دارىگەرىنىڭ 2020 جىلعى 15 تامىزداعى قاۋلىسى شىققاننان سوڭ, ەلوردادا 78-گە جۋىق زاڭ بۇزۋشىلىقتار انىقتالدى.
ەسكە سالايىق, قازىرگى ۋاقىتتا كارانتينگە بايلانىستى مەيرامحانالار مەن كافەلەر جۇمىس كۇندەرى تۇنگى 23:00-گە دەيىن جۇمىس ىستەي الادى. دەمالىس كۇندەرى كەلۋشىلەردى تەك دالادا قابىلداۋعا رۇقسات ەتىلەدى. بۇل رەتتە قوعامدىق تاماقتاندىرۋ ورىندارى 30 ورىننان اسپاۋى ءتيىس.
